1014 hPa
72 %
13 °C
Скопје - Пет, 26.04.2024 09:59
Општата состојба на Ромите во Р. Македонија го достигна дното на тоа што може да се нарече цивилизиран начин на живеење во 21-от век на европска почва. Ромите денес се: дискриминирани, полициски и правно малтретирани, омаложувани, потчинети, навредени и практично исклучени од сите општествени текови во државата. Иако вклучувањето на „рамноправните„ Роми во сите сфери на функционирањето на државата не е само нејзина морална одговорност, туку и нејзина законска регулирана и истовремено преземена должност зацртана во рамките на институциите на Европската Унија.
А вие господа лидери на Ромските политички партии, вие со вашите фундаментални погрешни проценки за ромскиот интелект, со желба за минимизирање па дури и негирање на испадите на омраза против Ромите, со прикривање на инциденти, необезбедување на инфраструктура, желбата за лично и незаконско збогатување, криминалните дејствија, недоличното јавно однесување, злоупотребата на ингеренциите и службената положба, рекетарството, уценувањата, заплашувањата кон неистомислениците и ред други однесувања и одлики кои ве „красат“, придонесовте за актуелната катастрофална положба и состојба на Ромите и за негативната перцепција кон Ромите во Р. Македонија. Ја издадовте и за евтини, ситни пари ја продадовте визијата на првата политичка партија на Ромите во Р. Македонија, го згазивте нашето достоинство, без грам култура и морал сте, се срамиме со вас како наши претставници, смешни сте и кримогени, вие сте „Цигани“ а не Роми...
Затоа учтиво барам од вас, веднаш да си поднесете оставки од вашите претседателски функции (кои и така не умеевте да ги вршите) во вашите, а во наше име, основани партии. Со таквиот чин ќе ослободите место за враќање на гордоста на вистинољубите Роми и на нивната визија. Ромите се сè уште во ваше политичко и социјално заточеништво, дајте ОСТАВКИ – дајте им СЛОБОДА на Ромите!
Фотографија: Ванчо Џамбаски