Мишел Кингдом

Уметницата Мишел Кингдом создава интимни везени сувенири со кои успева да постигне едно компактно ниво на детали, и кои го повикуваат гледачот во нивните мали, посебни светови. Користејќи голема количина конец, ја постигнува специфичната густина и ги добива овие „компресирани композиции“.

Без разлика дали тоа се спомени, емоционални портрети, лични или прелиминарни книжевен сцени, или историски референци, делата на Кингдом се формулирани преку градење на интензивни моменти кои имаат интелектуално значење. За нив таа вели дека се „психолошки пејзажи“, и нивната цел е да ги „просветлат мислите кои остануваат неизречени... да се создаваат мали светови од нишки за да се доловат недофатливите, но толку присутни внатрешни гласови“.

Кингдом вели дека „симболизмот и алегоријата ја создаваат динамиката на стремеж и ограничување, очекување и загуба, припадност и отуѓување, вистина и илузија. „Иако делата се современи и забавни, таа не одрекува дека ѝ оддава почит и на традицијата на везот.

Деликатната природа на материјалот и интензивниот и интимен процес на создавање овозможува секое парче истовремено да поседува аура на елеганција и кревкост, имитирајќи ја природата на деликатните и напорни емоционални состојби. Таа вели дека „убавината доаѓа во паралела со меланхолијата како што конвенционалните шевови се помируваат со кревкото и експресивното“.

Извор:beautifuldecay.com