„Девојката што паѓа“ - најдобар анимиран филм на „Поградец филм фуд фестивал“

Краткиот анимиран филм „Девојката што паѓа“ во режија на Владимир Лукаш е ја освои наградата за најдобар анимиран филм на Поградец филм фуд фестивал во Албанија.  

Фестивалот се одржува од 2011 година, со цел да ги собере режисерите и филмските работници од Балканот за да ги споделат своите искуства.

Филмот е снимен во продукција на Флип Бук, продуцент е Жарко Иванов, аниматори се Владимир Лукаш и Жарко Иванов, а сценариото е на Иван Шопов.

„Девојката што паѓа“ е прикажуван на повеќе од дваесет фестивали ширум светот, меѓународната премиера ја имаше на Сараево филм фестивал, а ова е втора награда која ја добива, по онаа на фестивалот Анимакс во Скопје.

Филмот го поддржа Агенцијата за филм на Република Македонија.