Фаќачи на сништа

01.10.2020 01:45
Фаќачи на сништа

Автор: Драган Станимировиќ

Од 30 октомври до 1 декември, оваа година, во Музејот на современа уметност во Загреб ќе биде отворена изложбата „Фаќачи на сништа“ која претставува пресек на маргиналната современа уметност маргинална - аутсајдерска и уметничка брут сцена од Хрватска и Србија и претставува прв ваков проект и почеток на развивање на соработка помеѓу уметничката маргинална сцена од балканскиот регион и источна Европа. Создаден е во соработка со здружението Арт Брут Србија (АБС), кое од основањето во 2014 година се занимава со откривање на нови, „невидливи“ творци и таленти и нивно вклучување во општествениот и културно-уметничкиот живот.

„Маргиналната уметност влече корени од арт брут, а нејзината прецизна дефиниција е тешко да се најде затоа што самата свесност за неа е сè уште недефинирана и е на маргините. Уметниците аутсајдери творат со поинакви премиси неоптоварени со академски рамки, максимално изразувајќи ја нивната потреба за лична слобода. Таквиот светоглед ја изнедри оваа вонсериска уметност на фантастична имагинација, која нè учи на поинаков начин на размислување и разбирање на уметноста. Можеме да ја карактеризираме како исконска, слободна, како уметност без предумисла. "

Од последната групна изложба на аутсајдери - „Аутсајдери 2“, што се одржа во април 2000 година, во тогашниот изложбен простор на МСУ во Загреб, поминаа дваесет години, па со оваа изложба се одбележува и еден вид годишнина од маргиналната креативност во последните две децении.

„Со повторното формирање на Колекцијата на маргинална уметност во 2016 година, и неколку изложби на хрватски уметници аутсајдери, со оваа изложба сакаме дополнително да ја истакнеме важноста на самоуките уметници, кои со својата појава и препознатливиот креативен пристап ја отвораат вратата кон ново и поинакво разбирање на уметноста. На овој начин, маргиналните уметници се валоризираат на ист начин, рамо до рамо со етаблираните современи уметници“, објаснуваат организаторите.

На изложбата ќе бидат претставени дваесет уметници кои и покрај времето во кое живеат и творат, успеаја да избегаат од утврдените стандардни уметнички рамки и да го задржат својот специфичен визуелен јазик. Кустос на изложбата е Даниела Билопавловиќ Беденик. Автори на концептот: Горан Стојчетовиќ (АБС), Даниела Билопавловиќ Беденик
Учесници од Србија: Јасна Дамњановиќ, Бојан Ѓорѓевиќ, Данило Спасовиќ, Кејти Возњачки, Радован Поповиќ, Марјан Ѓармати, Драган Станимировиќ, Јошкин Шиљан и Горан Стојчетовиќ.

Автор: Данило Спасовиќ

Автор: Бојан Ѓорѓевиќ

Автор: Горан Стојчетовиќ

Автор: Јасна Дамњановиќ

Автор: Јошкин Шиљан

Автор: Кејти Возњачки

Автор: Марјан Ѓармати

Автор: Радован Поповиќ

Извор

 

Слични содржини

Балкан / Уметност / Карикатури

ОкоБоли главаВицФото