1016 hPa
100 %
6 °C
Скопје - Саб, 27.04.2024 02:59
Не гледам вести неколку дена.
Којзнае колку луѓе починале,
којзнае колку се родиле, некои
исчезнале, некои остареле, некој
добил отказ, некој лото и така
натаму, сè до следните вести,
сосем идентични, но однаопаку.
Не читам книги неколку месеци.
Којзнае колку луѓе објавиле,
којзнае колку приказни се
намножиле; некои блеснуваат,
некои се занесуваат, некој
се лути, некој го лути и така
натаму, сè до следното читање,
сосем идентично, но однаопаку.
Не живеам веќе неколку години.
Којзнае како ми е, којзнае што си
мислам за себе. Некои ми велат:
браво, некои ми велат: полудуваш,
некој ќе ми подари круша, некој,
пак, ќе ми подари бокс и така
натаму, сè до следното раѓање,
сосем идентично, но однаопаку.