Боли глава

И после цел мандат прележан како путка под јорган, сега тука пред цела нација на МТВ ми глуми државник, нешто ја смуртил фацата и дели лекции. Абеее бееегај таму бре суртук еден утепан непрокопсан, бруко една незапамтена, не остави и нас новинарите на цедило кога не исфрлаа од собрание, кога не казнуваат со десетици илјади евра, кога ни затвораат медиуми и кога не бркаат од работа, ќутиш за сето тоа иако си некаков екс промотор на граѓанско општество, и бранителите ги остави на цедило, и опозициските пратеници ги остави на цедило, ги остави на цедило и сите кои им застанаа на патот на Грујо и Мијалков и затоа беа згазени како со шлепер, сите ги предаде иако требаше да бидеш коректор на владата, требаше да бидеш уште една извршна власт, ти цел мандат беше пенисо-држач на Грујо, ќутеше и му го држеше патлакот на премиерот цел мандат и затоа сега нема никого да убедиш дека си нешто повеќе од тоа. Добро некого ќе убедиш, ама малку се тие мамлази кои ќе ти поверуваат. Може Бетмен и Пимен и Антиќ и такви политички клапаци, но малку се тие...
Саше Ивановски; Мактел, 05.04.14.

До 2011 имавме 63 пратеника. И што лошо направивме?! Направивме ли некому некоја штета?!
Никола Груевски, човекот кој од Македонија направи, заедно со Фамилијата, темен вилает и апашанат; Сител (Јадибурек) / Либертас, 09.04.14.

Многу работи видов на пат од аеродром до центарот на градот. Ги видов билбордите и веднаш го забележав ликот на интелигентен маж со очила и прашав кој е тој. Ми се допадна и изреагирав како жена. Прашав кој му е противкандидат, но не смеам да кажам за весник, што реков. Понесов и фотоапарат со себе и планирам да ги сликам градбите и спомениците една по една. Не можев да поверувам што се' има. Мојата теза е дека на сите грди работи во архитектурата, човек со време се навикнува, па дури еден ден можеби ќе му се видат и убави. Кога ги поставуваа 7-те пагоди со рубинови ѕвезди во Москва, сите ги исмејуваа. Денес се тие убави и без нив Москва не би била тоа што е. Се плашам дека Скопје е радикален случај на претерување, што тешко е човек да се навикне. Она што го видов на доаѓање и во темница е страшно. Повеќе мислам на скулптурите отколку на зградите. Се' е толку големо и натрупано, па ми се се чини дека еден ден ќе биде потребна акција на минирање.
Дубравка Угрешиќ, писателка, се соочува со Скопје; Утрински весник, 07.04.14.

Видете, противкандидатот, најнормално знаете, противкандидатот е една разлика меѓу мене и други кога кажувам Кока-Кола и обичен сок - таква е разликата. Знаете што, ова му е втор мандат, се докажал Ѓорге Иванов, а овој е нов, му треба време да се докаже.
Амди Бајрам; Плусинфо, 03.04.14.

За да се храни од стравот и инфериорноста на Македонецот, ДПМНЕ ја создава, развива и искористува сликата за него, како вистински и автентичен само доколку е омразен и опкружен со непријатели (архетипот за македонската Црвенкапа и четирите волка), кои му работат за главата, како изолиран и отфрлен од светските центри на моќ. Како предмет на омраза и завера од неговите сограѓани Албанците, од кои треба постојано да се брани и да ги мрази „држејќи ги под контрола“!(...) Како народ поделен однатре во постојан штрек и во потрага по внатрешни предавници (кои се осмелиле слободно да мислат и да се згадат од нивниот архетип за инвалидот-Македонец). Сето тоа е хумус на идеологијата на ДПМНЕ за автентичниот Македонец, од којшто оваа партија се храни и политички профитира. Таа се рекламира како единствена која го брани ваквиот „Македонец со посебни потреби“ од сите погоре спомнати аждери! Овој погубен проект на ДПМНЕ успева да го опие Македонецот во овие последни осум години агонија и пропаѓање.

Затоа сметам дека политичката идеологија на ДПМНЕ е предавничка идеологија.
Љубомир Д. Фрчкоски; Либертас, 01.04.14.

Тачи е увежбан, само треба да го повтори тоа што пред години еднаш како што прикажуваат го сторил. И затоа, денеска во Сушико на менито за Тачи немало потреба од магичните печурки. Се виде, тие добро делуваат на војводата, се изнахалуцинира, ма митинзи, ма лупетање колку бил мек или тврд Грујо и такви нешта.

Денеска според ЈАВКАТА, бате Саше за Тачи спремил свежа морска риба. Рибата добро влијае на мозокот, го разбиструва, а тоа и наводно му била целта на бате Саше. Да го врати Тачи во деновите пред години за да припомогне во штотуку обелоденатата нова полициска акција МРЕЖА како што ја крстила Гоци. (...)

Имаше една приказна, верувам Тачи поубаво ги знае деталите, за некакви шишенца со капки за очи за деца пакувани во една Јака фабрика чинам на југоистокот од државава. Течноста, наводно идела од Србија, се полнела во Македонија и заминувала во Албанија, а од таму во белиот свет. Е сега, тоа што не биле капки за очи за деца, туку нешто друго во течна состојба, се’ ми се чини дека деталите се кај Тачи.
Ацо Кабранов; Либертас, 28.03.14.