1012 hPa
45 %
27 °C
Скопје - Пон, 06.05.2024 16:59
Скопје, 19 март 2015
За да ја покаже својата грижа за еднаквиот третман на сите вработени, напредната компанија „Шкрт-трејд“ од Скопје реши да ги плаќа и мажите и жените со 50% од сумата што би требало да ја заработуваат.
„Во нашата компанија отсекогаш сме сметале дека вработените кои подеднакво придонесуваат со своето залагање и напорна работа треба да бидат и еднакво платени, без разлика дали се мажи или жени“, вели Крвопиј Газдарев, директорот на „Шкрт-трејд“.
Тој објаснува дека родот не влијае врз тоа како менаџментот на фирмата ги третира вработените, и дека нивниот труд треба подеднакво да биде помалку платен, без никакви исклучоци.
„Веќе ги чувствуваме позитивните ефекти од ваквиот еднаков третман на родовите, а тоа го покажува заштедената сума од ставката за плати“, поентираше Газдарев.
Адаптирано од: The Onion