Талат и знаменцето

04.05.2017 01:52
Талат и знаменцето

Голем број Македонци го сметаат албанското знаме на масата на Талата за провокација. А голем број Албанци сметаат дека на Македонците, без оглед каде е поставено, им пречи албанското знаме, ин џенерал.

И во право се, и едните и другите.

Чаре?

Првите, драгите сограѓани Македонци, да не се примаат на провокацијата на Талата.

Прво, оти не се работи за истакнување на знаме, туку на столно знаменце, кое никаде во светот нема никакво официјално значење.

Второ, треба да се знае и прифати фактот дека правото за официјално веење на знамето на Албанците во Македонија е стекнато во НОБ 1941-1945, а не во 2001.

Трето, дека тој двоглав орел, стар христијански симбол, не им е толку далечен колку што мислат, освен тоа што е знаме на нивни другари, пријатели, комшии, колеги...

Вторите, драгите сонародници Албанци, исто така да не се примаат на провокацијата на Талата и неговиот евтин популизам. Оти, знамето не ни го дал ниту донел ни Талат, ни ДУИ, ниту пак правото за негово веење го стекнавме во 2001.

Второ, би било далеку покорисно Талат да земе да пишуе писмо до Хорхе за мандатот, да координира и закажуе седници, да работи на развластување на антиалбанците со кои до вчера делеше власт, а не да декорише кабинет.

Трето, самиот тој и неговата ДУИ да престанат со овој евтин национализам во вакви деликатни моменти, оти токму тој национализам, со знамиња, а без работа, леб, иднина, правда - им го донесе катастрофалниот резултат од 11 декември. Баш кај Албанците.

Тоа ко за почеток, драги знаменосци, бајрактари, патриоти, јунаци, комити, команданти и друзимити лепотанки и лепотани најдражесни мои!

Извор: Фејсбук профилот на авторот
Слика: Странски служби

Слични содржини

ОкоБоли главаВицФото