Перформанс „Make it, Make it, Don’t fake it!“ во Кино Култура

Во Кино Култура - простор за современи изведувачки уметности и современа култура на 3 март (сабота), во 20 часот ќе се одржи перформансот „Make it, Make it, Don’t fake it!“ на Дарко Драгичевиќ, Еста Матковиќ и Вања Смиљаниќ, во организација на Локомотива- Центар за нови иницијативи во уметноста и културата.
Перформансот „Make it, Make it, Don’t fake it!“ е дел од програмата „Уметност, Политика, Институции, Тело“, како дел од ПЛАТФОРМ(а) 2018- програма за современи изведувачки уметности во организација на Локомотива- Скопје.

Станува збор за сцениран перфoрманс во кој публиката е поставена да искуси вознемирувачки спектар на создавање идентитети преку употреба на објект, тело, простор и текст. Ги активира разновидните теоретски и уметнички пристапи кои се занимаваат со нашето се поголемо токсично – политичко, етичко и културно опкружување. Во потрага по алтернативни техники на себеси во пост-демократското општество, Драгичевиќ, Матковиќ и Смиљаниќ споделуваат и ја замислуваат структурата на „заедништво“ во спекулативниот дистописки амбиент.

Црната сатира „Trash Humpers“, филм на Harmony Korine, филм во кој учествуваат група на постари, насилни социопати, служеше како појдовна точка за нивната заедничка истражувачка практика во однос на ѓубрето и вандализмот како начини на изразување. Под овие услови тие го испитуваа продуктивниот потенцијал на погрешно однесување и уништување.

Наместо борењето и регулирањето на хаосот тие се заплеткуваат и потопуваат во тие состојби на свест. Понатаму, тие ги користат овие процеси како инструменти за преуредување, променување и рефлектирање.
Како можеме да развиеме чувство на идентитет преку поставување на дискретни врски помеѓу објект, тело, простор и текст? Врз основа на овие прашања, тие ги распоредуваат практиките и методите, кои критички го истражуваат транс-индивидуалниот идентитет и неговата пластичност преку социјален контекст и актуелни политички околности.

Драматургијата е на Јасмина Заложник, кореографски консултант е Мартин Сондеркамп. Перформансот е копродукција помеѓу Локомотива- Центар за нови иницијативи во уметнoста и културата и Номад Танц Академија во рамките на на проектот „Life Long Burning Project“, со поддршка на Culture programme of the European Commission, Quartier am Hafen Cologne, JSKD – Public fund of Republic of Slovenia for culturalactivities и STATION Service for contemporary dance Belgrade
Влезот е слободен.

Фото: Martin Sonderkamp