Ги поминав сите граници, да не ме мислите

- Како ми стои кошулава?
- Лудница!

- Се фативте?
- Се фаќаме.

- Еве ќе ти дадам најпрост пример.
- Не се ни сомневав дека ќе е таков.

Што сакаш да бидеш кога ќе пораснеш во мои очи?

Демоде клоцам, а моден ритам.

Носам појас зашто така е мидерно.

Шишај ме ко птеродактил, диносаурусокоса да бидам.

Моето 3 во 1 е горна пижама во долна пижама во чорапа.

Таква сум - модерна, vogue гените ми е.

Ги поминав сите граници, да не ме мислите.

Мешам помии, а поимите им ги давам на свињите, да ги јадат.

Се јадам од нога.

Губам време ко да некој ќе го најде.

Трошам време и со трошките хранам луѓе.

Мразам кошмари бидејќи се мора.

Отворив фирма за потребални услуги.

Колку сум богата, сѐ ми е џабе.

Си купив стадион на навивање.

Си купив боксерски ракавици за храбро и одлучно да го покажувам средниот прст.

Покачен ми е средниот прст.

За сѐ има логичко оплескување и отрезнителни околности.

Се продава фрлен бумеранг. Ако сте незадоволни од производот, сам ќе се врати.

Изгубен е проблем. Кој го најде негов проблем.

Поради бујната фантазија и филмот ми е цртан.

На кратко морам да отидам до крајот на реченицата. За тоа време промешај ми ги малку буквите, те молам. Искрено ти се заблагорадувам.

Грамофонот ја заменил старата плоча со нова - помлада и помодерна.
Старата грамофонска плоча паднала во очај и му се пожалила на својот психијатар:
„Ме направи зависна од игла и ме остави. Сега е среќен со друга, а мене кој ме врти!“

Парната локомотива му се пожалила на брзиот воз: „Тешко ми е, веќе не можам да се движам...“
"Ц ц ц... на таа пара!", ја искарал тој.

Житното класје од нивата го караше осамениот куп сено на ливадата: "Престани да се однесуваш ко сноп!"
"Така ви се чини зашто сум премногу стог кон себе", се правдаше сеното.
А навечер, кога никој не слушаше и не гледаше, сеното го молеше ветрот да го однесе до нивата, за таму да им каже на класовите: "Престанете да се фаќате за сламка!"

Слики: Four Color Process