1013 hPa
59 %
16 °C
Скопје - Пет, 26.04.2024 18:59
На Ф.Н.
Ја познаваш ли и ти болката полна сладост,
и за тебе ли велат: „Тој е особен човек!“
-Умирав. Душата ми се полнеше со радост,
но желбата се мешаше со ужасот зловест,
а стравот со надежта, без побуна и тага.
Од песочникот течеше сѐ побргу песок
и таа мака ми беше сѐ повеќе драга;
моето срце од светот се делеше лесно.
Јас бев како мало дете што ја мрази страсно
завесата - претставата таа му ја крие...
Но студената вистина се укажа јасно:
без изненада бев мртов и со покров глекав
ме обвиваше зора. -Што? Само тоа ли е?
Ја кренаа завесата а јас уште чекав.
Препев: Влада Урошевиќ