1020 hPa
100 %
12 °C
Скопје - Чет, 16.05.2024 13:08
Убава сум, о смртници, како сон од мермер
а моите гради, што да допрат знаат грубо,
создадени се да родат во поетот љубов
што е како материја, без збор и без време.
Сфинга сум загадочна под небесната стреа;
белина на горд лебед и срце имам ледно;
го мразам движењето што го разбива редот;
не познавам ни горчлив плач ни радосна смеа.
Гледајќи ми ја вишната и гордата става
- за која кипови древни ми дадоа поттик -
поетите долги проучувања ќе прават;
зашто, за власт над тие љубовници кротки,
имам огледала убост што прават од гнасност:
моите очи од кои блеска вечна јасност!
Превод: Влада Урошевиќ