Боли глава

Фактите се поразителни: Македонија е на дното од регионов според странски инвестиции за 2012-та година. Целата таа помпа и шоу што го приредува Груевски е обичен циркус без никаков ефект. Погледнете и сами, износот на странски инвестиции во земјите од регионов за 2012-та:

Македонија 104 милиони евра; Србија 274 милиони евра; Албанија 745 милиони евра; Хрватска 1 милијарда евра; Бугарија 1,6 милијарди евра.

Тоа е тоа драги мои, ако баба лаже, трап не лаже. Го изгласавме Груевски во 2006-та за да го вработи народот и да ги крене платите, да привлече една милијарда инвестиции годишно, да има раст на БДП од над 6 проценти годишно, но од сето тоа добивме само кур од овца!

Саше Ивановски, Мактел, 29.07.13.

Очигледно е дека популизмот е составен дел на секоја политичка сцена, во светот, па така и македонската не е имуна на овој феномен. Но, она што навистина сериозно ме загрижува е кога популизмот ќе се издигне на ниво на државна политика, или подобро кажано, кога популизмот ќе стане замена за безидејноста на одредена гарнитура на власт, како што, за жал, е случај со актуелната владејачка политичка гарнитура во земјава. Така денес, за жал, имаме премиер кој секој месец, по потреба, зборува за инвестициите од ‘Сименс‘, Дојче банк, ‘Џенерал моторс‘, ‘Сузуки‘ итн, кои само што не ги донел, а секој ден станува се' поочигледно дека нема да видиме ништо од тоа. И тоа го прави, односно подобро кажано, тоа го зборува само поради тоа што е убеден дека граѓаните сакаат да слушаат за надежта дека брзо ќе излезат од економската криза ако странски инвеститори од овој ранг дојдат во Македонија. Значи, иако од нивното владеење добивме само рекордна невработеност и сиромаштија за граѓаните, социјалдемократите повторно се обидуваат состојбата да ја покриваат со некаква апстрактна идеја за стабилност, безбедност или европски перспективи. Популизмот, за жал, во Македонија стана начин на водење политика од страна на СДСМ, но сметам дека таквиот начин веќе самиот на себеси ќе стане негација.
Никола Груевски, во колумна 2006 година; Утрински весник / Мактел, 25.07.13.

Со мала доза на претерување би можело да се каже дека современиот Македонец се разликува од пештерскиот (!) само по тоа што употребува паста за заби и гледа идиотски телевизии, но во системот на своите стравови и фрустрации е на исто ниво. Мислам дека ние сме во напредната фаза на исчезнувањето како нација, а за државата ќе видиме. Само културна револуција на линијата на модернитетот, нешто апсолутно спротивно од ова што денеска се прави, можеби може да не' спаси. Во идеолошка и политичка смисла клучна операција како долготраен административен политички и културен процес, мора да биде девмровизацијата, а на културен план радикалната дистанца од идиотските и идиотизирачки зрачења на „Скопје 2014“.
Бранко Тричковски, Утрински весник, 22.07.13.

Михајловски своите либерални ставови за слободна сексуална ориентација очигледно ги пресликува во новинарството. Токму ова интервју е доказ. Сака да седи на две столчиња, нешто слично како бисексуалците, со едни на еден начин, а со други на друг начин. И толку. Нема сега многу да пишувам против Горан Михајловски. Едноставно страв ми е. Човекот има силен телохранител. Фаќа веднаш за гуша. Како питбул е. Поготово кога е под дејство на алкохол. Не бира место и време, ниту пак го интересира кој се е пристуен во моментот. Тоа е неговата сопруга. Опасна е. Кај нив дома се знае добро кој е газда во куќа, или поточно кој е маж во куќа.

Дејан Николовски, уредник на Нетпрес; Нетпрес / Мактел, 16.07.13.

Неговата екселенција, премиерот Груевски, од сосема наивни побуди (не верувам дека е во канџите на пропагандите, премногу морничаво е тоа) го однесол вагонот наречен Република Македонија на спореден колосек. Ги потценил историските факти дека македонските врховисти во Бугарија се испоклаа меѓу себе и таму не постигнаа ништо, дека на југ победи грчкиот македонизам, и дека само прогресивните сили во предвоена Југославија се изборија за македонските работи.
Божин Павловски, Плусинфо, 14.07.13.

Мојот совет до партиските лекари е да прекинат да се лигават зашто од многу лигавање - ќе дехидрираат.

Ѓорѓи Оровчанец, поранешен министер за здравство; Фокус, 12.07.13.