Боли глава

При крај е реновирањето на куќата во штипско Ново Село во која се родиле загинатиот министер за внатрешни работи Јордан Мијалков и неговата сестра Нада, кои се вујко и мајка на премиерот Никола Груевски, пишува весникот Дневник во репортажата за Ново Село, кое е родно место на голем број истакнати личности. (...) Во Ново Село 16 куќи се ставени под заштита на државата, а нивните сопственици ќе добијат стручна поддршка во конзервацијата и надзорот, објаснува Зоран Читкушев, директор на штипскиот Завод и музеј. - Под заштита на државата се ставени 16 куќи. Тие имаат сопственици, кои ја имаат нашата стручна поддршка во конзервацијата, надзорот. Има интерес за обновување, а со таа намера три од тие 16 куќи купи кардиохирургот Жан Митрев. И локалната самоуправа и градоначалникот Захариев се расположени да се забрза решавањето на проблемот. Годинава заеднички ќе конкурираме и за средства за реконструкција и за конзервација на пет фасади на куќите - вели Зоран Читкушев, директор на штипскиот Завод и музеј.

Плусинфо го пренесува Дневник, 01.07.13.

Точно е дека цела Европа, со исклучок на Ирска, Полска и на Израел, го има овој проблем, но кај нас, во една мултиетничка и мултиверска средина, тој проблем е многу поголем.
Никола Груевски, експерт за демографија и географија; Дневник, 28.06.13.

Му благодарам на еден фејксбукџија кој на статус напиша ШТО ЌЕ НИ Е ЈУЖЕН ПОТОК КОГА СИ ИМАМЕ МОМИН ПОТОК. Од овој статус, така како што јас го дешифрирам, човекот апсолутно е во право. Момин поток, скопјани знаат што е, но за оние од внатрешноста, место во предградието на Скопје каде годиништа се лоцирани ОТПАДИ. Еден таков чинам најголем кој кога ќе дојде време ќе биде исфрлен таму, е кога ќе треба да се празнат депониите на владините пропагандни медиуми, кои катаден по нарачка или не, на народот му сервираат ЛАГИ, кои според мене, не им е местото, ни во етерот ни на хартија, туку на МОМИН ПОТОК.Како поинаку да разбереме ако денес си го спружил на насловна Ставре да го фалиш а утре кога работата излегла по трета мајка ќор фишек, си ќутиш ко онаква во волна и се правиш на мутав.
Ацо Кабранов, Либертас, 26.06.13.

Лидерот на оваа власт не шмрка бело, нема ледомат во канцеларијата и во резиденцијата (за да може да пие виски, нормално), не престојува во резиденцијата за време на својот мандат (туку во обичен стан), направи неколку национални обележја (музеј, театар, филхармонија, архив, знамиња на јарболи, фигури на најпознатите)... Направи нешто што ниту Кљусев, најмалку Бранко, ниту Љубчо, ниту Хари и Бучко не го ниту знаеа дека треба да го направат. А, камо ли да имаат идеа, да изнајдат пари, да ја изведат целата работа. Пред ова градителско, неимарско време Скопје личеше на Чернобил.
Миленко Неделковски, Мактел, 20.06.13.

Иницијативите за гушкање објекти во Скопје стануваат интересни за набљудување, но очигледно се многу селективни и политички насочени. Си велам, можеби тие што ги организираат или уште повеќе тие што во нив учествуваат не го гледаат тоа. Затоа еве еден предизвик. Зошто по ГТЦ никој не се обиде да ја гушне Градската болница, или болницата во Јасеново, или Градскиот стадион во Скопје, или стариот пат Радовиш – Струмица, кои, нели, пред да бидат реконструирани, си беа слика и го носеа духот на своето време.
Илија Димовски, пратеник; Мактел, 19.06.13.

Види друже, твоиве тачно имат дијагностицирано дефекти у МКД пучанство, па наместо да ги отстрануат, ги зајакнуат, ги одржават у кондиција и цепат ли цепат, без око да им трепне. Мислиш, колку поише споменици поставуат, толку поише лешпери произведуат. Колку поише за национални непријатели ги прогласуат комуњарине од Бихачка, а бе мислиш дупло поише у исти моменат се испилуат психотропни субинституционални патриоти на мирноморонски протести за кои поим немат по кој повод се одржаваат. А њихова девиза, ако тргнеме денар, долар и еуро на страна, е баш овој психолошки моменат у споствено пучанство друже мој, дека, у држаава треба стално да се зголемуе проценат на глупандери и лешпери, која ќе поставуе муволофки кај што ќе се лепат само дресирани муви, да би можела боксерска влас да функционира ко што функционира. И функционира бе братучед, а задњи дешафки укажуат дека проценат на лешпери и муви више не е заебанција, достигнуе максимум левел на што мора да се приступи со адекватни и примена на ефикасни мерки...
Боки Бургија, Плусинфо, 08.06.13.