(АУДИО) Пара вести на Радио Слободно Скопје (1)

22.01.2016 17:28
(АУДИО) Пара вести на Радио Слободно Скопје

Радио Слободно Скопје е уметнички проект на македонскиот уметник Ѓорѓе Јовановиќ, кој започна како 6-дневен радио-проект од 27 октомври 2015. Во текот на времетраењето на овој проект се емитуваше програма со различни содржини од кои 20 часа беа продуцирани специјално за овој проект. Мобилната/монтажна галерија во Паркот на франкофонијата беше трансформирана во објект - радио приемник, а внатрешноста на галеријата претворена во студио.

Проектот е реализиран во соработка со Центарот за современи уметности од Скопје и Радио МОФ.

Од неодамна, Радио Слободно Скопје повторно започна со емитување на 4-часовна програма, секој понеделник. Деталите за програмата се објавуваат на Фејсбук страницата на радиото.

„Радиото е мој личен протест кон медиумските слободи во Македонија. Имам чувство дека живееме во време кога слободата на мислење е сè повеќе репресирана. Од друга страна просторот за култура што постои во електронските и во пишаните медиуми е сè помал и помал. Познавам доста новинари и мислам дека голем дел од нив го делат ова мое мислење. Така што, на крај, ова е некој мој скромен обид да придонесам кон актуелизирање на овие теми, на овие проблеми во нашето општество кои секако и регионално се многу актуелни“, вели Ѓорѓе Јовановиќ за проектот Радио Слободно Скопје.

Подолу претставуваме неколку аудио снимки од читање пара вести, кои се дел од програмата на Радио Слободно Скопје.

 

Пара вести 18.01.2016 by Radio Free Skopje on Mixcloud

Слични содржини

ОкоБоли главаВицФото