1007 hPa
93 %
7 °C
Скопје - Саб, 27.04.2024 04:59
Скопје, 26 јануари 2015
Доскорешниот премиер Никола Груевски, кој деновиве се појави на свеченото отворање на три погончиња, пет чешми и два лифта, се надева дека граѓаните ќе имаат разбирање за неговото отсуство од кампањата која тој веќе ја започна.
„Ме бараат луѓе од сите страни, сакаат да присуствувам на свечено отворање на мостови, лифтови, нови погони, нема инвеститор што сака да отвори фабрика без мене, а никој не обрнува внимание на тоа што имам обврски со предизборната кампања, и покрај тоа што не се знае кога ќе има избори“, рече Груевски за Пара вести.
„Како пастир на народот наш, должен сум да одговорам на повикот и да им покажам на граѓаните дека ВМРО-ДПМНЕ ја дели нивната судбина и во Македонија никогаш не било подобро. Сите овие обврски ќе ми одземат прилично многу време, кое сакав да го поминам во кампањата што може да влијае на нашиот изборен резултат. Мене власта не ме интересира толку и спремен сум да ја поднесам таа жртва за доброто на Македонија“, порача Груевски во изјавата за Пара вести и додаде дека ќе води позитивна кампања во која ќе ги истакне резултатите од својата работа, а чат-пат ќе зборува и за по некое предавство на опозицијата.
Покрај овие обврски, од планираното време за кампањата на премиерот дополнително ќе му одземе и закажаното појавување на сите телевизии, бидејќи сите новинари инсистираат баш тој да им гостува во емисија.
Извор: www.njuz.net