1008 hPa
88 %
12 °C
Скопје - Пет, 03.05.2024 22:59
Мојата пријателка има црвена коса, мали раце и голем автомобил.
Таа е страшно богата.
Ме води на вечери и во диско клубови.
Со својот автомобил ме вози на места кајшто никогаш не би одел.
Секогаш е насмеана и никогаш не зборува лошо за други.
Кога шетаме секогаш ме држи под рака.
Сите се вртат по нас.
На своето друштво му покажува дека сум ѝ важен.
Се грижи да не се досадувам.
Кога ќе повика, доаѓам.
Кога не повикува, чекам.
Ме прашува дали сум среќен.
Да среќен!
Превод: П. В.
SENKO KARUZA (1957, Сплит), хрватски писател; детството го поминал на островот Вис. Ги објавил книгите: Busbuskalai (1997), Ima li života prije smrti (2005), Tri krokodila (со Бранко Чегец и Мирослав Миќановиќ, 2005), Vodič po otoku (2005), Teško mi je reći (собрани раскази, 2007) и Kamara Obscura (2010). Го води книжевниот фестивал Mare, Mare! и е основач на неслужбениот Мултимедијален мобилен центар за истражување на алтернативни форми на преживување на мали и издвоени острови.