1011 hPa
68 %
17 °C
Скопје - Саб, 04.05.2024 13:59
Си пробал ли ти
да леташ во сон,
да кроиш сам сни?
Соновен бонтон
ти е тоа чудо,
може нилски коњ
да научи џудо;
Глеј – змија скока
ко кенгур во трк,
фока јаде смока,
мустаќ сука штрк.
„Како се прави“,
се прашуваш ти,
„в сонливи глави
и во детски сни
свет да се стави
што не постои?“
Земи малку мрак –
Нека отстои...
Часовник навиј…
„Даладинг, штрак, штрак!“
В ќебе време завиј
и страк од сончев зрак.
Зев...тик-так...зев...тик-так...
илустрација: Ване Костуранов