Сонпесна

во аголот на мојата спална соба

   растеше дрво

   среќно дрво

   мое сопствено

лисјето му беше меко

   како месо

птиците негови ми пееја песни

и тогаш

   без предупредување

два човека

   со насмевки на разбирање

   и со секири

влегоа лажно извинувајќи се

и го исекоа

или            вчера

или ден пред тоа

мислам дека беше ден порано

Превод: П. В.

Роџер Џозеф Макгоф (Roger McGough, 1937) е англиски поет, перформер, радио водител, детски автор и драматург. Ја водел прочуената радио програма на BBC Radio 4: Poetry Please. Мекгоф бил еден од водечките членови на Liverpool poets, група млади поети под влијание на Бит поезијата и популарната музика и култура наЛиверпул од 1960-тите.