Изедов сѐ пошо знаев дека ништо нема да ти се свиѓа

20.05.2022 16:06
Изедов сѐ пошо знаев дека ништо нема да ти се свиѓа

 


Немањето апетит е од Сафрика, а имањето холестерол од Мајонезија.


Имам потрошено мињонски суми на банани.


Битолскио бор е мендемски вид.


Компирите се чуваат на скробна температура.


Да си бев карфиолка, да си пливав во туршија.


Падна одлука – летна манџа.


 


Драчевски шоумен: Стенд-ап кромидиан.


Му реков на васабито дека е рен со ф’стаци – ми го извади низ нос.


Не треба антибиотик докторе, имам мувлосан леб и горгонзола дома.


Толку сум нежна што забите си ги чистам со конец од моцарела.


Водата нема ни мирис, ни вкус, ни точно определен изглед - па пак е убава.


Вебсајтче коледарче збира колачиња.


 


„Ееееј, тутунов е цела нижевност!” – заклучи народниот билкиотекар од Еуречани.


Подобро земјоделска гранка отколку светот на дланка.


На пазарџијата што цело време го прашуваат дали му се свежи јајцата, сигурно му е преку тазета.


Заслужете го она што го сервирате.


Претераноста е штетна, а штетноста претерана.


Изедов сѐ пошо знаев дека ништо нема да ти се свиѓа.


Слики: Giuseppi Arcimboldo (1526-1593)

 

Слични содржини

Книжевност
Книжевност

ОкоБоли главаВицФото