1014 hPa
61 %
23 °C
Скопје - Пет, 17.05.2024 18:38
Кога веќе толку се возбудивте:
Член 24
Знамето не смее да се употребува:
- како драперија, завеса или прекривка;
- свиткано во форма на венец или набрано и
- како украс на перници, марамчиња, салвети, кутии од хартија, долна облека или предмети кои веднаш по употребата се фрлаат.
Мирјана Најчевска, Фејсбук, 10.05.22.
Дали познавате некој од ВМРО или Левица што би сакал за Македонија до јуни да се договори почеток за официјални преговори за членство во ЕУ?
Јас не познавам таков. Не само во раководствата на овие партии, туку и кај нивните членови и симпатизери.
Нема дилеми дека Бугарите во моментов немаат други сојузници и поддржувачи за ветото, освен кај македонските партии ВМРО и Левица. И плус кај некои разочарани „неутралци“!
Освен од лажните патриоти, инаку, поддршка имаме од цел свет.
Ацо Лукароски, Фејсбук, 10.05.22.
Македонија е на 57 место на Индексот на слобода на печатот на Репортери без граници. Зад нас е Италија, зад нас се и сите соседни земји: Косово (62), Србија (79), Бугарија (91), Албанија (103), Грција (108).
Голема срамота за нашите соседи кои се членки на ЕУ.
Наместо Бугарија и Грција да служат како примери за медиумски слободни земји, сега Македонија може да им држи лекции за развој на медиумски слободи.
Жарко Трајаноски, 04.05.17.
На едниот крај од Скопје е населбата Ѓорче Петров, што го носи името на еден од идеолозите на македонското револуционерно движење во која на кружниот тек е подигнат споменик во негова чест.
На другиот крај на Скопје во населбата Кисела Вода е подигнат споменик на Тодор Александров, војвода и водач на тогашното ВМРО, за кого се верува дека го нарачал убиството на Ѓорче Петров.
Кого ние славиме и кого треба да славиме? Ѓорче Петров, најблискиот соработник на Гоце Делчев или нарачателот на неговото убиство Тодор Александров?
Како е можно да ги изедначиме жртвите со наредбодавачите? Прогресивните ликвидирани дејци со нарачателите на нивните убиства. Како е можно и двајцата да ги славиме и да им подигаме споменици? Зошто дозволуваме да се случува тоа? Каква историја учат и треба да учат нашите деца?
Аце Коцевски, 30.04.17.
За Втори мај, да се потсетиме на муабетот дека ако доволно и многу се трудиш и работиш, успехот и парите се загарантирани. Што всушност подразбира дека ако си неуспешен или сиромашен, тоа е зашто си мрзлив и истото е само твоја одговорност. Секако не одговорност на системот управуван од предатори и/ли наследници на богатство кои напредуваат единствено поради привилегиите и врските, а не поради квалитетите.
Среќа, се освестуваме дека ваквите измишљотини се само начин сиромашните сами себе да се држат во ропство, да се осеќаат (тотално неосновано) виновни и за речиси никаков надомест да ги продаваат своите способности.
Впрочем: „Ако богатството е резултат на многу работа и посветеност , тогаш секоја жена во Африка ќе беше милионер.“ (George Monbiot)
Инес Ефремова, Фејсбук, 02.05.22.
Ова страшно ги загрозува девојките и жените. И онака нѐ напаѓаат по улици – сега во Карпош демначите го имаат луксузот на комплетниот мрак на Стевче. Прашање на време е кога ќе почнеме да слушаме за напади на девојки и жени.
Секако, идејата на градоначалникот меѓу другото е и дека нема што да бараме надвор после полноќ. Тоа е културата на морализаторскиот неандерталец.
Фала ти Стевче што пак морам да се шетам со импровизирани оружја во џеб.
И фала им на сите од мојата улица што го гласаа.
Румена Бужаровска, Фејсбук, 30.04.22.
Не видов таква солидарност од никој во администрацијата за време на здравствената криза кон угостителскиот, туристичкиот сектор, уметниците и многу други. Потсетувам дека многу правни субјекти згаснаа, а со тоа и многу семејства останаа без работа и заработка. Потсетувам и ПОТЕНЦИРАМ дека од истите се полни буџетот и се обезбедува платата за администрацијата.
Владо Караев, Окно, 28.04.22.
Дури и да сака да го прекрши законот за споменици како нејзиниот претходник Коце Трајановски, на Арсовска повторно ќе ѝ се потребни гласовите на Левица, Алијанса и Алтернатива и Зелен Хуман Град во Советот на Град Скопје за да изгласа негово поставување. За албанските советници сум некако сигурен, но ќе биде интересно да се гледа какви пируети ќе треба да прават прогресивните млади советници од помалите партии за да ги оправдаат своите хонорари од управни одбори и директорски места. Дали левичарите и зелените ќе гласаат за грдото лице на ВМРО повторно да застане пред судска палата? Дали оној кој го викале „судот на ВМРО“, а кој главно убивал Македонци по идеолошки основи, повторно ќе го вратат пред Судот на правдата?
Никола Наумоски, Фронтлајн, 26.04.22.
Решението за 'непостоечкиот' проблем јас го гледам во тотално игнорирање на сите дискусии за нашиот идентитет, за нашиот јазик, за нашата историја...
Колку повеќе докажуваме дека сме Македонци и дека говориме македонски јазик, толку повеќе му даваме на светот причина да се сомнева во нашиот идентитет и во самобитноста на нашиот јазик...
Во Обединетите Нации сме запишани како МАКЕДОНЦИ коиш говорат МАКЕДОНСКИ јазик. Крај на приказната!
Премногу време и нерви трошиме за Цар Самоил, за Александар Македонски, за Ванчо Михајлов...
HISTORY IS OVERRATED. At least for us, at least for now. - Avinash Kaushik
Ацо Лукароски, Фејсбук, 17.04.22.
Кирил Петков доаѓа во Битола да посети здружение на Бугари, затоа што Македонија е европска земја и дозволува слободно здружување на нејзините граѓани. Тие што сакаат да бидат членки на ЕУ, како што е Македонија, треба да ги почитуваат европските вредности за своите неевропски граѓани, а тие што се веќе членки на ЕУ, како Бугарија не треба да ги почитуваат европските вредности за своите европски граѓани.
Горан Михајловски, СДК, 15.04.22.
Секој ден, ама буквално секој ден, има вест за нова дупка во системот, нова корозија создадена од ништо друго туку од корупција или од неспособност, а најчесто од двете заедно.
Се пишуваат сценарија во кои е нормално да горат објекти токму на атрактивни локации (за иднината на дел од нив со тековни, актуелни отворени општествени дебати). Во други приказни е исто нормално министер за правда (сосе колегите му) да лаже јавно и да не почувствува трошка срам, потонат во "незнаење" што е конфликт на интерес и трговија со влијание.
Во трети е апсолутно нормално да е јавна тајна дека во која било област вистински потребната лиценца за работа се обезбедува по приватни џебови, а онаа легалната, што се нема, станува проблем само тогаш кога ќе се дознае дека ја нема (е сега дознавањето е проследено со загуба на човечки животи ама па божемој)...
Катарина Синадиновска, Фејсбук, 15.04.22.
Пострашни од агресијата се апатијата и рамнодушноста на над 10 луѓе кои не гледаат потреба да реагираат кога некого претепуваат до смрт.
Болно општество.
Иљче Затаракоски, 11.02.22.
Јас врски за проекти не фаќам и нема да се дрзнам никогаш тоа да го направам.
Некако сите посакувавме да е се поинаку во Град Скопје, но тие се шемите.
Во „Град“ пративме мејл за средба со градоначалничката и месец дена буквално секој ден колешката се јавува и истиот муабет го повторува со службите, секој ден исто запишуваат и немаат одговор.
А бре и „не ве примаме" е одговор!
Нестварно понижувачки однос од градските власти кон сè што е значајно во културата.
Надвор од МК кога сум на состаноци се чудат зошто се радувам како дете на соработката. Затоа што ДОМА ветуват и ништо не остваруваат, а НАДВОР сме дочекани со отворена поддршка и се чувствуваме многу значајни. Голема штета што ентузијазмот и инспирацијата кои ги црпиме од надвор всушност ги трошиме дома. Но, домот ни е трул и секој си го гледа само сопствениот интерес.
Софија Семенпеева, Фејсбук, 07.04.22.
Пред 30 години започна опсадата на Сараево. Три ипол години луѓето беа гранатирани, пукани со снајпери и митралези од околните ридови и ништо не сме научиле од најтажната страна на европската повоена историја. Човекот кој лично ги посетуваше злосторниците и ги јачаше напаѓачите да пукаат појако, сега е Претседател на Србија. Нашите вмровци тогаш беа против примањето бегалци од Босна, а децата од Левица уште не беа ни проодени.
Денес Мариуопол има слична судбина, а ќе ја имаат и други украински градови додека војната не заврши. И нема да научиме, иако ова све е веќе видено, дека вистинските злосторници ќе ги обвинат жртвите за своите злодела, дека нема да им е гајле за фактите и доказите и дека ќе ја избегнуваат правдата како знаат и умеат. И за масакрот со гранатирањето на преполниот пазар во Сараево истите структури и медиуми во Србија/Русија/Македонија тврдеа дека Босанците сами си пукале на своите луѓе и покрај сите докази на светот кои што го аргументираа спротивното. Гајле им е за вистината, тоа се злосторници од најдолен вид. Би ви ја украле машината за перење, откако ќе ве убијат!
Никола Наумоски, Фејсбук, 05.04.22.
Зошто праќаат полиција против сопствените студенти? Дали се тоа настрани луѓе кои мислат дека младите заслужуваат ќотек?!
Нашите избори – и кампањата и исходот – само ја намалуваат веќе оскудната нијансираност на политичката понуда.