1014 hPa
72 %
13 °C
Скопје - Пет, 26.04.2024 20:59
Така, авионите во престолнината Улан Батор слетуваат на аеродромот „Џингис-хан“, исто како што тие во Скопје се приземјуваат на „Александар Велики“. Во Монголија сега може да се студира на универзитетот „Џингис-хан“, да се престојува во истоимениот хотел, да се купат вотка, енергетски пијалак или цигари со неговото име, а сето тоа да се плати со пари на кои е отпечатен ликот на ханот.
Македонија овде малку заостанува. Имаме хотел што се вика „Александар палас“, иако официјално не му е посветен на античкиот војсководец, но наместо на универзитет, неговото име го ставивме на автопат, а го нема многу ни на полиците на супермаркетите. Освен во именувањето на некои вина, според него или неговиот коњ.
Гоце Трпковски, Нова Македонија; 04.10.10.
Не е време за откривање на гробот на Александар Македонски, кој според експертите е на наше тло, бидејќи светот во моментов не е подготвен за оваа вистина, која би предизвикала Трета светска војна.
Паско Кузман во документарецот „Име си е име“ кој имаше македонска премиера на 29.09.10.
Братучетки и залутани
Види ваму, дал беше Фуере, или беше Фолере. Фолиранту белосветски.
Фуере, е една обична полтрончина на социјалдемократрите. Една братучетка на Радмила Шекеринска, и еден обичен залутан лик во високата дипломатија, кој за сите овие години остана во сеќавање по своите подочњаци и испукани капилари што, без задршка, асоцира дека човекот од чаша не се дели.
Драган Павловиќ Латас, „Вечер“, 30.09.10.
Кога сме кај нобеловците, сакам да му препорачам една книга од Маркес. Не таа што ја претскажува нашата иднина („Сто години самотија“), туку една друга - „На полковникот нема кој да му пишува“. Знам дека не чита премногу, ама треба да го види само крајот, последната реченица. Може да му користи, еве зошто. Ако некогаш некој го праша што ќе јадеме додека чекаме проблемот со името сам од себе да се реши, е тогаш може да му одговори, кратко и јасно, како полковникот на речиси истото прашање од својата жена: гомна.
Злате Лозановски, „Дневник“, 24.09.10.
Профитот на македонскиот телеком со години наназад е огромен, а годишната дивиденда изнесува над 100 милиони евра или фантастични 2 отсто од вкупниот БДП на земјава. Цели дејности во Македонија (туризам, угостителство) не можат да замислат ниту сопствен вкупен приход во толкав износ. Ваков пример на износот на дивидендата на една компанија тешко ќе се најде во друга земја, а странските експерти постојано се чудат на оваа појава, со која никој со години не се конфронтира. Колку за споредба, според податоците на Светската банка за 2007 г. за светот во целина, вкупниот приход (а не дивидендата!!!) на целиот телекомуникациски сектор изнесува 3,2 отсто од светскиот БДП, за Европа тој изнесува 2,9 отсто, а во Македонија 6,8 отсто од БДП.
Никола Поповски, „Дневник“, 23.09.10.
Во урбанистичкиот план за обнова на Скопје по земјотресот, 1965 година, коридорот е претворен во магистрална сообраќајница, а неговото клучно значење за градот е потврдено во сообраќајните решенија - во генералните урбанистички планови на Скопје од 1985 и 2002 година. Конечно, денес, група повторувачи - без око да им трепне - ќе го украдат булеварот и ќе го продадат на црно за буре кисела зелка, уништувајќи ја при тоа сообраќајната иднина на Скопје, кршејќи го Уставот, дузина законски одредби и сите стручни урбанистички стандарди.
Мирослав Грчев, „Утрински весник“, 23.09.10.
Што и' сторија на историјата? Вчера прочитав дека во учебникот по историја за шесто одделение пишувало дека остатоци од Античките Македонци се денешните Власи. Новинарката му се јавила на авторот, вработен во Институтот за национална историја (ИНИ), кој појаснил: „Пред да напишам дека Власите се остатоци од Античките Македонци, му се јавив на претседателот на Унијата на култура на Власите. И тој ми потврди дека е така.“ Ете што ти се вика научно истражување.
Жарко Трајаноски, „Дневник“, 22.09.10.
Несвесноста за сопствениот културен генотип, измешана со политичката моќ, има хистерично контрадејство: тогаш кога можете (имате своја држава) имате желба да компензирате во поплава од споменици (за сите рушени споменици од минатото)!? Не градите ИНСТИТУЦИИ, што подразбира култура на создавање организација и приоритети (култура на себеизградување), туку компензирате со празна ИДОЛАТРИЈА. Тоа е планктонско ментално ниво на дпмневциве. Тоа произлегува од незнаење на сопствената историја на отпор, борба и себеконституирање.
Љубомир Фрчкоски, „Дневник“, 21.09.10.
Со Влада што се фали дека ќе гради девет базени, а не може Олимпискиот да го наполни, ништо чудно што делфините пливаат преку Барата, бегајќи од мочуриштево загадено од без’рбетници, мекотели и слични слуги на политичките моќници
Mилорад Стојмановски; Дневник, 20.09.10.
Зошто новинарите ги нема речиси на ниеден митинг да известуваат што навистина се случува?
Фашизмот е тема на петте книжулиња во третиот том на едицијата ОК.NO.
Десет песни од новата Темплум книга во едицијата „Модерна Македонија“.
OK.NO. - нова едиција книги по повод петнаесетгодишнината на нашиот портал.