Боли глава

Во оваа стратегија се заговара поништување на слободно изразената волја на граѓаните, се заговара насилно рушење на избраните институции и поништување на исходот на демократски оддржаните избори. Во оваа стратегија се поставени темелите на движењето, Граѓани за европска Македонија: –токму овде е напишано дека треба да се формира таква организација, која што подоцна ја формираат Жарко Трајановски, Бранко Геровски, Никола Гелевски и слични. Со оваа стратегија се покажа дека ГЕМ не е невладина организација или иницијатива. Таа е партиска сдсмовска инсталација во невладиниот сектор. Во истата стратегија е посочено дека Црвенковски треба да ги користи финансиските средства од СОРОС.

Зоран Ставрески, потпретседател на влада; на прес конференција, 30.10.10.

Треба да се земат поуките од историјата и предупредувањата од историјата. Треба да бидеме оптимисти за иднината и да го очекуваме најдоброто. Но, треба да бидеме подготвени за секоја ситуација.

(...)

Затоа, да размислуваме за наредните децении. Деновите поминуваат бавно, но годините летаат многу брзо. Промените ни се случуваат пред очи. Процесите кои ги гледаме денес, уште утре ќе создадат нова реалност. Во тие околности, наша задача е да размислуваме и работиме за македонските интереси и континуитетот на македонската државност во наредните 100 години.

Влатко Ѓорчев; Шпиц, 29.10.10.

Владата со ништо не придонела за каков било негативен извештај поврзан со медиумите. Секој граѓанин што следи медиуми може добро да види дали Владата ги контролира медиумите или можеби тоа го прави некој друг. Ова е Влада што ги почитува медиумите и никому ништо не е сторено. Секогаш кога сме во можност да помогнеме што било за развој на демократијата на медиумите тоа и го правиме. Владата е исклучиво заинтересирана за независност и непристрасност на медиумите и ќе продолжиме да вложуваме напори во тој правец.

Никола Груевски, од Собранието на РМ; Утрински весник, 26.10.10.

Познат сум по тоа дека не сум премногу насилен човек.

Милорад Улемек - Легија, осуденик на неколку доживотни затворски казни, воен злосторник, убиец; Blic, 19.10.10.

На кутијата цигари, како закана, пишува да го одбегнуваш пушењето затоа што може да создаде стерилитет. Да те остави без деца. По таа аналогија, секој педер треба да носи маица дека сексот со него може да ти донесе СИДА, и дека е апсолутна закана за наталитетот. Педерите, имено, не можат да прават деца.

Драган Павловиќ Латас, „Вечер“, 17.10.10.

Не е случајно тоа што на сите што му велат да излезе од владата, Али спремно им одговара - а каде ќе одиме тогаш? Навистина, каде? Може ли да се замисли ДУИ надвор од власта? Тешко. Додуша, јас се сеќавам и на Али со пушка на рамото, во Шипковица. Ама, ќе се напишат нова енциклопедија и нови учебници и ќе се избрише таа непријатна епизода од историјата. Хартијата трпи сè. А во темелите на Илинденска бб, Паско Кузман еден ден ќе ја открие лулката во која бил лулан Ахмети и со тоа непобитно ќе докаже дека човекот е роден во власта и роден - за власт!

Бранко Героски, „Шпиц“, 08.10.10.