Изложба на Камуран Горанци - „Код 4“

Во објектот Чифте амам, денес, 9 мај, во 19 часот ќе биде отворена изложба на уметникот Камуран Горанци насловена „Код 4“.

Ќе бидат изложени 22 дела изработени во техниката акрилик на платно, работени во периодот од 2020 до 2024 година. Сликите имаат техничка еволуција од неговите претходни изложби, како што се „Код 1“ во Келн, Германија, „Код 2“ во Галеријата на Тирана во Албанија и „Код 3“ во Галеријата на Скадар во Албанија, како и оваа самостојно конципирана „Код 4“, во Националната галерија на Македонија обележана со софистицираност на изразните средства и обид за филозофирање.

„Овој уметнички настан се случува во центарот на Скопје, каде што ги гледаме традицијата и современата комуникација, една многу важна улога во контекст на неговата креативна индивидуалност. Во повеќето случаи, сликата е граматичка анализа, композиција, а во исто време дезинтеграција на оние алатки што историски му биле доверени на уметникот да се манифестира таму каде што креативното и животното искуство континуирано се негувале низ годините и страсно го чувале и сакале хроматското богатство“, вели Зени Балажи, куратор на изложбата.

Според него, сите слики во оваа свечена пригода се разработени врз чувствителноста и хармонијата што сега се присутни и кодирани од уметничкиот аспект, конечно фиксирајќи ги неговата реалност, слики и емоции во структурите на неговите соништа. Уметникот комуницира со љубов во универзална слика, која се наоѓа далеку од нашето постоење, како нешто пооддалечено од непознатото до познатото, на фигуративен, едноставен и ветувачки начин.

Да се замрзнат во нив суптилните односи меѓу боите, во специфичен израз, следејќи ја побарувачката за нови, поатрактивни слики за да се интервенира во невидливиот свет, кој секогаш е проследен со граница, а кои се појавуваат како конечни експлозии на вртоглав просторот, но не како оние на универзумот. Она што те привлекува во композициската конструкција е, несомнено, справувањето со логичките формации.

Преку него се создаваат монументални композиции каде деталите и најголемите мерки се решаваат со намалување и зголемување на колористичките траги, за да се видат понатамошни специфични третмани во нивните рекомпозиции“, ќе забележи кураторот Зени Балажи.

Камуран Горанци е роден во Призрен во 1955. Дипломирал на Академијата за уметности во Приштина, насока сликарство, а во 1981 магистрирал сликарство на Академијата за уметности во Белград.