Аналогија на едно Писмо

28.04.2012 12:48

Не ми е јасно како народот, а посебно постарите генерации, во „Бранот промени во ВМРО ДПМНЕ“ не гледаат и не препознаваат аналогија типична за сите тоталитарни режими, вклучително за времето на СКЈ и Другарот Тито.

Целта на ваквите „идејно политички диференцијации“ не е ништо друго освен зајакнување на внатрепартиската дисциплина во ВМРО-ДПМНЕ и заплашување, втерување страв во коските на државната, и онака одамна партизирана, бирократија. Воедно, и зајакнување на војничката хиерархија во државниот и партискиот апарат. Затоа и се употребуваат терминитие како: „смена во одредени ешалони“. Во цивилниот сектор, колку што мене ми е познато, нема ешалони. Овие смени-промени треба да бидат предупредување што сè може да ги стигне непослушните.

Сè повеќе сум убеден дека Груевски ги чита архивираните примероци на „Борба“ и „Политика“, вклучително и „Комунист“ од шеесеттите и седумдесеттите години на минатиот век, и оттаму ги црпи идеите за тоталитарното владеење и заплашување на народот и чиновништвото.

Ова е очигледно една од „акциите“ во битката за преродбата или, како што Јосип Броз Тито во седумдесеттите години во своето познато Писмо велеше, „нова битка во етапата на револуцијата“.

За оние што не знаат, а и да ги потсетам оние што заборавиле, Писмото на другарот Тито, исто како сегашните говоранции и директивите на Груевски, вели: „Отворено и критички укажувам на опасноста која му се заканува на општеството ако некои другари и другарки не понесат дел од одговорноста за неприфатливата сосотојба во Партијата и општеството“... Само така, во духот на Преродбата и „Остваруваме“, Груевски, како и Другарот Тито, предупредува дека во новиот период после „Бранот“ влегуваме охрабрени од резултатите постигнати (во изминатите шест години), но и со новите обврски и ветувања дека уште повеќе ќе се ангажираме во спроведување на ставовите (од Писмото) од програмата. Чиста демагогија.

Единствената цел на „Бранот“, како и на аналогното Писмо на Другарот Тито, е да се создаде уште подлабока конфузија во општеството и да се повлече „рачна кочница“ на сè што е либерално, прогресивно и демократско кај нас. Притоа се заборава дека до подлабоките размислувања човекот треба да се искачи, а не да се спушти. Амнестирајќи се себеси од каква било одговороност, Груевски спроведува диференцијација на сите нивоа исто како и неговите претходни тоталитарни владетели и режими кои одамна заминале во историјата заедно со разни претседателства и извршни комитети на ЦК.

Затоа е анахрона оваа претстава со „Бранот“ и смените во ОК на ВМРО-ДПМНЕ. Каде е тука внатрепартиската демократија? Во оваа битка сите оние кои нема да се снајдат и кои нема да му се приклучат на „Бранот“ (идејно политичката диференцијација), и кои нема да се врзат за линијата на ЦК на ВМРО-ДПМНЕ на чело со Груевски – ќе ги „изеде темницата“.

Груевски очигледно насетува пропаст, но причините ги гледа на погрешно место.

Во хаосот и немањето концепт, особено во контекст на приоритетите на државата, Груевски се забавува со примитивните перформанси кои се интересни само за група партиски маченици кои лојалноста кон својата партија и водачот мораат континуирано да ја докажуваат глумејќи глупави Августи или да се однесуваат како марионети врзани на конец, чиишто краеви за диригираното движење се наоѓаат во рацете на партискиот шеф. Во такви општествено-политички и културолошко-социјални услови се доведува во прашање и опстанокот на државата.

Дали ние воопшто живееме додека ја пролонгираме нашата смрт? Дали можеме воопшто нешто да научиме додека се мачиме да не го заборавиме она малку нешто кое го знаеме? Извитоперени во гротеска, поради околностите во коишто - поради мислите на кои им робуваме и постапките на кои им се восхитуваме - се чувствуваме тесно во рамката во која нè сместија.

Политичкиот компас (ако нашите водачи воопшто имаат компас) е полуден, а ние живееме на ветрометина и вриеме во себе, нашиот внатрешен набој е како вулкан. Од нас се очекува да бидеме безгрижни, опуштени и шармантни.

Толкувајќи ги актуелните случувања, неодамна еден умен човек ми рече: „Сите се борат за промена на власта, никој не се бори за промена на состојбите“. Така животот ни се претвора во понорница, се губи во лавиринтот на нивните лаги, понекогаш ќе се охрабри и повторно ќе излезе на површина за исто толку брзо пак да се изгуби под земја. Живеејќи помеѓу она што е и она што би требало да биде, ние сме во некаква сива зона на полувистината и полулагата. Постојано мораме да трпиме нечие време. Нивните желби и фрустрации стануваат и наши и тоа е печатот на времето во кое живееме. Ним не им е гајле ни колку е часот, прават обдукција на нашиот живот.

Како во такви услови да размислуваме за иднината на нашите деца? Како тие ќе се снајдат во лавиринтот во кој правата патека ја контролираат ојлевци и дојлевци и на нив сличниот талог? Полтронството повторно станува најпризнатата вештина во општеството преку кое се остварува позиција на општествената скала.

„Животот е пијан, а смртта е трезна“, напишал некој поет.
Но да се вратам на темата со Бранот и аналогијата со Писмото на Тито. Знаете ли како во кулоарите напредните и демократски настроени структури во СКЈ, и не само таму, му одговорија на Маршалот?

„Друже Тито, само пиши - радићемо и по киши, ако пише и Јованка - радићемо без престанка.“

Илустрации: Alessandro M.

14 коментари

Кое самоубиство! Стар комуњар

Испратено на 30 април 2012 од Инв

Кое самоубиство!
Стар комуњар ја повторува
сдсмовската теорема „денешнава власт=диктатура“,
и за диктатор со кој ќе го споредува Грујо го одбира - уште постариот комуњар Тито :)

Повеќе е од очигледно дека

Испратено на 30 април 2012 од меглена

Повеќе е од очигледно дека сте збунети, и не знаете како да го оквалификувате "бранот" . Само да ве потсетам колку сте е оваа анализа недозреана и дилетантска во однос на главната идеја на текстот. Прво Титовата партија беше доживотно на власт, и никој како и Тито и другарите му, не беа предмет на избори односно граѓанска оценка за квалитетот на извршените услуги на граѓанството. Вам можеби ви се чини така затоа што веке имате вградено лузерски комплекс дека никогаш нема да дојдете во ситуација да вие бидете во контрола на администрацијата. Меѓутоа тоа е ваш проблем а не на ВМРО. Намерно не викам да дојдете на власт, затоа што тоа е тотално робовски термин кои нашите неписмени новинари го превеле од англиски, и со кој не дават 20 години. Демек народот има избори , за да избере кој ке му биде тиранин следните 4 години. Морони.
Второ, ако знаете да играте фудбал, играјте, доста не мачите со оправдања, де топката била округла, де судијата не судел правилно, де противникот превише не дрибла, аман веќе. Кој ви е крив што сите играчи ви се стари и не ги бива за трчање веќе. Подмладете го тимот и почнете да играте. На крајот на краиштата вие сте тие што ги пишувавате правилата.

меглена, да-титовата партија

Испратено на 30 април 2012 од Django

меглена,
да-титовата партија беше доживотно на власт ама се покажа дека и не беше
да-грујовата партија/движење „верува„ дека ќе биде доживотно на власт ама и погоре спомнатата мислеше така, пошто е бледа копија која сонува да биде оригинал

и меглена...„млади играчи„..обично се изедени од разноразни бранови и револуции..зашто по дефиниција, „постарите„ им ги калемат сите зулуми и разбојништва

ти со коментариве се фаќаш за сламка?..ај глеј си у тањирот

Ако чекате сами да се сменат,

Испратено на 30 април 2012 од меглена

Ако чекате сами да се сменат, тогаш ке се изначекаме. Некаде прочитав деновиве дека Бранко , а богами и Љубчо се во власта од времето на Џорџ Буш постариот. Америка од тогаш смени три председатели и четвртиот сега се бори за втор мандат. Русија од Путин абер немаше. Па ако е за инертност , доста беше. Дај малку акција. Ко коали сте. Дај мрднете малку. Овие од ВМРО од немајкаде почнаа сами да се мењаат, гледаат од вас нема чаре.

Просто се умирам од смеење

Испратено на 01 мај 2012 од Onlooker

Просто се умирам од смеење колку овие „прогресивниве“, „слободоумниве“, „европејциве“ итн. се занимаваат со „националистите“, „фашистите“, „фамилијата“ итн. до у ситни цревца.

И никако да научат нешто.

Ne draga/gi Meglena, zosto da

Испратено на 02 мај 2012 од Kasno e za promeni

Ne draga/gi Meglena,
zosto da go menuvame "narodnoto dvizenje" na DPMNE?
Toa bi bilo isto kako da posakash da bidesh Francesco Schettino 10 min. pred kobnoto nasukuvanje na Costa Concordia.
Veruvam deka SDSM i co. ne se tolku ludi!
Zavrshi prikaznata za promeni, sega e peridot na masovna migracija, jebesh ti promeni na brod sto nepovratno tone.
Toa e toa zlatna/ni Maglena,
Sega ni ostanuva samo da gledame, sigurni na bregot (kako emigranti po svetot)kako prerodeni nepovratno se gubite vo dlabocinite na oceanot!

Ako pochneme da gi tumachume

Испратено на 03 мај 2012 од gragjanin

Ako pochneme da gi tumachume rabotite spored demagogijata na Latas (na "Meglena" obaveznoto chetivo) i Gruevski e od vremeto na Bush. Ovaa godina Amerika kje menuva 3 pretsedatelski mandati, a Gruevski ushte e na vlast. Shto bi iskomentiral "meglena" za demokratijata vo Shvedska kade socijaldemokratite bea 60 godini na vlast, samo mozham da zamislam, hihihi

@Касно е за промени. Не мораш

Испратено на 03 мај 2012 од меглена

@Касно е за промени.
Не мораш да мењаш. Емигрирај. За бродот Македонија не се секирај. Тој брод не потонува веќе 2300 години. Нема ни сега да потоне. Нови морнари доагаат, и пробуваат за првпат здраво да завеслаат. До каде ке стигнат мислам дека и самите не знаат , ама важно цепаат и имаат правец. Морам да признаам свежа промена во однос на вазалскиот менталитет на претходните.
И со нив си начисто што сакаат. Имаат програма и агенда која сите ја знаат. И во тој поглед се доста предвидливи во своите постапки. Додека со вазаливе, се кладам дека не знаеш да напишеш за што се залагаат во однос на економија, религија и идентитет. Она по што се познати е синтагмата "Попаметен сум и поначитан сум и боље се снаогам од овие тупациве на власт, и затоа треба да ме изберете". Затоа и мислиш дека бродот тоне. Никогаш не си видел како изгледа македонски брод со курс, брод кој има правец.

@Граѓанин.
Шведска е сеуште монархија и има крал , кој патем мора да биде протестант и христијанин по закон. Интересна демократија. Како и да е во Шведска нема партиски лидер кој е фактички 21 година на чело на својата партија. А таква работа тешко ќе најдете и на планетава. СДСМ веројатно води на планетава на тој план. Дури ситуацијава забегува од Папа накај Кум.

Meglena, a Janez Jansa, a

Испратено на 03 мај 2012 од Janez Jansa

Meglena, a Janez Jansa, a Andonij Samaras...

Epten e izvesno draga/gi

Испратено на 03 мај 2012 од Kasno e za promeni

Epten e izvesno draga/gi Megrena deka brodot na kapetan Gvujo tone. Sakal/a ti ili ne.
I neka tone, ima nekoja kosmicka pravda i u toa. Koj sadel portokalovi tikvi od glava ke si gi k'ca.
Bez mnogu filozofija, prosetaj malku po istocniot del na drzavata da vidish kako ziveat antickite makedoncki i vo koj pravec shiba ovoj brod.

Rasprasaj se kolku ziteli vo prosek izgubija opstinite vo izminatite 5,6 god. Usto poveke zosto gi zagubija. Prasaj go zosto zemaat tatarski pasoshi koga se anticki makedonci!? Prasaj kolku deca se ragaat, i zosto opaga brojot na deca zapisani vo osnovno i sredno. Mozesh da gi vidih i ruiniranite kombinati od pusto komunisiticko. Potoa poseti nekoe okolno selo, i vidi kako se cuva antickiot makedonski identitet bez kanazizacija i voda. Avtenticen anticki identitet od 2300 godini. Posrani gaki i pot, isto kako u vremeto na Aleksandar.
Prosetaj Megrena i kazi mi sto vide i dali nesto nauci?

Тоа во Источна Македонија е

Испратено на 03 мај 2012 од меглена

Тоа во Источна Македонија е истиот процес кој се случува во Бугарија, Романија а сега и Грчка. Од тоа нема бегање. За среќа тој процес е реверзибилен. Откога народот ке види дека не е секаде баш како што се рекламира, и дека истите човечки проблеми се секаде на планетава, полека полека ке почне да си се враќа таму каде што се чувствува најсигурен.
А сиромаштијата не е нешто ново во Македонија, не е дека бевме најбогати, па сега одеднаш осиромашивме, или дека имаше канализација па сега као ја нема. Тоа се едноставно ситуации кои се со векови присутни кај нас. Битно е да почне да се работи на нив и да се решаваат . Патетика не проага во модерниот свет никаде па ни кај нас. Ако сам не си ги средиш работите дома и во својата околина сто европски зеадници нема да ти помогнат. Како што напишав и порано. Бродот Македонија си цепа. А за шетање ке ти кажам само дека Македонија е рај на земјава за едно 5 милијарди луге на планетава. Еве ти давам дека 2 милијарди луге може живеат подобро од Македонците, иако тоа е големо претерување, мегутоа дефинитивно едно 5 милијарди живеат многу полошо од нас. Е па сега ако сметаш дека нешто си посебен во однос на овие 5 милијарди па имаш право на супер живот без многу работа, ке треба малку да почнеш да се прашуваш кои се уствари ефектите од глобализацијата и процесите на прераспределба на ресурсите на планетава. Влегувањето во европска заедница ти е првиот чекор на глобализацијата. Сакаш да влезеш во група кај сите се побогати од тебе за да ќариш нешто. Што не се тепаш да влезеш во зеадница со Индија, па да ти влезе сиромаштијата од Бомбај да ти спие вред врата. Вакви примери има каде сакаш и колку сакаш. Муабетиве што ти ги кажувам се од многу шетање, не се од седење дома.

He he he, nema da me cudi ako

Испратено на 03 мај 2012 од Kasno e za promeni

He he he,
nema da me cudi ako toa bide sledniot promotiven slogan na vladata:
"Bidi sreken sto si makedonec, ziveeh podobro od 4 miljardi drugi grevovi."
Do tamu li e stignata rabotata draga moja Meglena?
Ti rekov bez filozofiranje,relativiziranje i svakanje na ekonomskite procesi kako prirodni pojavi. Za toa sto se slucuva vo MK se odgovrni luge po ime i prezime.
Alo, Gvujo e na izvrshna funkcija veke 10 god. 4 kako minister i 6 kako premier.
Ako nesto znaci, povke od Crvenkovski.