1015 hPa
76 %
11 °C
Скопје - Пет, 26.04.2024 21:59
Скопје, 17 јуни 2013
Фудбалската федерација на Македонија најави казни за репортерите и коментаторите кои ќе заспијат на натпревар од македонското фудбалско првенство, а мерката ја поддржа и Асоцијацијата на спортски новинари.
Во своето соопштение ФФМ објаснува дека е недозволиво, а воедно и несфатливо, репортерите да заспиваат на исклучително интересни и квалитетни фудбалски наптревари, какви што несомнено се оние од македонското првенство.
„И за нас играчите оваа одлука е од голема важност. Сите знаеме дека зевањето е заразно, па може да се случи и некој од соиграчите да задреме ако се наоѓа во близина на поспан коментатор“, изјави Дибек Левоногов, фудбалер на ФК „Офсајд“.
Од Асоцијацијата на спортски новинари упатија извинување до сите фудбалери и гледачи поради неодговорното однесување на своите членови, но исто така побараа од ФФМ да ги задолжи клубовите на дерби натпреварите да обезбедат одредена доза кофеин за спортските новинари.