1019 hPa
82 %
14 °C
Скопје - Пон, 13.05.2024 06:59
Таа продава мебел произведен во странство
во голема продавница
каде зимно време од сите страни дува
а летно време под сосема рамниот кров
врие како во пекол
Таа веќе не ја сака работата што ја работи
А порано ги обожаваше работите
со кои беше опкружена
за секое парче мебел
знаеше речиси сè
па дури и каде растело
кога било дрво
Таа и покуќнината имаа ист јазик
Можеше да се заколне дека слуша како под креветот
од дабово дрво се тркалат желадите со капачиња
и како потпукнуваат
зрелите чушки памук
на страниците од фотелјите со цветен дезен
А сега едвај знае да го изговори името на продавницата
кога некој ненадејно ќе ја праша
Превод: Тихомир Јанчовски