1014 hPa
72 %
13 °C
Скопје - Пет, 26.04.2024 10:28
За сè да биде како што треба,
пред сè мора да сме зародиш
на сите нешта што можат да почнат,
по сè да сме крај
на сите нешта што можат да свршат,
а во сè да сме никој и ништо,
за едни да сме лага, за другите факт.
Времето нè дише,
кожата е граница помеѓу две празнини,
студот нема очи што гледаат во нас.
Ние сме никој, ние сме ништо,
за едни секогаш лага,
за други секогаш факт.
И само така е сè како што треба.