Отров

25.06.2020 21:29

Отров
Воздух со боја
на мајчино млеко
и мирис на
ненадејна смрт,
сезонски непријатели бр. 1,
метомил,
цијанид,
Големиот Ѕид
на Капитализмот,
колку романтично,
геноцид,
хомицид,
каницид,
суицид,
пестицид,
бесмислена хиерархија
и демократска, цивилизирана
Анархија.
„Најновите научни истражувања
покажаа што е здраво да се јаде оваа недела.“
Идната недела научните истражувања ќе покажат дека
„истото“ е главната причина за тоа
зошто боледувате од рак.
Мрак
и страв
и Циклон (Б)
и СајгонДвоумење 33
и телефон
и електрична струја,
материјалистички идеализам
на парадоксалното вообичаено,
сензационалниот медиокритет
со лежерна мрзеливост
и апсурден приоритет,
кога имате телевизор
не постои глад или жед
и ова е совршен свет.
Сите видови се загрозени,
само Homo Sapiens е грозен,
шармантен и лепрозен,
пасивен активизам,
угостителство, туризам
и тероризам.
Сите војни
отсега ќе бидат граѓански,
бидејќи никој повеќе не живее во село
и светот ќе биде
постмодернистичко ремек-дело.
Гревот е вроден – ген
Среќен роденден!
ПМ-10 ЧЕСТИЧКИ!
Тоа сте вие,
во интимна врска со вашиот
личен масовен медиум
и вашиот радиоактивен ум,
Ураниум,
Полониум,
Радон34 Ива Дамјановски
и Светиот Грал,
Кетонал,
Дијазепам,
Страв,
Срам.


Знам.

 

Слични содржини

нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна
нема
Секој ден песна

ОкоБоли главаВицФото