Кртови, орли, хиени и болви - се околу мене

Танц на мислите
во мојот затворен свет
кој да ме сфати?

***

Ме клеветеа
и лаги ми плетеа
џган без трошка дух

***

Оскудни гниди
немилосрдни и зли
ми бербатат дни

***

Иднина штура
интелектуалецот
работи чувар

***

Благосостојба
видов прекрасни луѓе
колку убав сон

***

Работно утро
во бусот се гужваат
скиснати лица

***

Работно утро
во мечка од Е класа
наклештен мајмун

***

Налицкан стремеж
реновирана надеж
аванс за живот

***

Кртови, орли
хиени и болви, се
околу мене

***

На зајдисонце
неповторлив и горчлив
испратив ден сив

***

На мостот Око
видов просјак без око
и луѓе слепи

***

Денес во Центар
го видов Нино Леви
вртеше десно

***

Пеколна жега
на скопскиот врел асфалт
две јајца спржив

***

Не одам во град
празен ми е банкомат
социопат сум

***

Град на јад и скрб
и курви со стрв на врв
крв да им ебам

***

Студентскиот дом
студен, преполн со глувци
и жешки риби

***

Наивна гуска
натна леопард гаќи
коњ ѝ ги слече

***

Курвиче згодно
напушти село родно
стигна до Водно

***

Алфа мажјакот
седна во нова Алфа
прост анАЛФАбет

***

Потполно празни
луѓе гладни за љубов
сами се јадат

Слики: Raysa Fontana