Боже, дај сила од проклети црнила да се избавам

28.10.2022 13:19
Боже, дај сила од проклети црнила да се избавам

 

На говорница
чаша вода полна
и зборови празни

***

Вечно должници
на банки заложници
стадото блее

***

Електоратот
обединет е само
пред банкоматот

***

Марин и Павел
како Каин и Авел
брат за врат давел

***

Боже дај сила
од проклети црнила
да се избавам

***

Наместо климакс
влегоа во пубертет
ѓавол ум им зел

***

Зомби младина
вене во неправдина
без бунтовен дух

***

На факултетот
го даде квалитетот
со деколтето

***

Од ниска класа
со ниското здолниште
високо стигна

***

Роден ко талент
свири за џабе во бенд
во џеб нема цент

***

Суров масакр
подлите ем пе тројки
цедиња ништат

***

Камен и песок
во патиштата мочни
пиј коприва чај

***

Денови црни
економија сива
робјето бело

***

Секој први мај
на празникот на трудот
налета трутот

***

Џамлии, флипер
тага за едно време
безгрижно, мирно

***

Шопска на маса
ракија домашна дај
да наздравиме

***

Скара се пафта
во реката грч пиво
спремно за ѓезме

***

Црното вино
ми разбуричка совест
минато изблув

***

Ракија брља
степени пеес и пет
џигер ти ништи

***

Полн резервоар
пиво на репертоар
нигде писоар

Слики:
Megumi Ono-Chan

 

Слични содржини

Книжевност / Стрип / Култура
Книжевност / Стрип / Теорија
Книжевност / Стрип / Култура

ОкоБоли главаВицФото