1018 hPa
72 %
15 °C
Скопје - Нед, 12.05.2024 21:59
Од немајкаде глави ведневме
Сабјата ќе ни ги исече синки
Од немајкаде политики бистревме и води матевме
Бајрактари на лоза, зелка и џимиринки
Од немајкаде очи копавме и души вадевме
На туѓо гајле берачи низ родни ниви влекачи
Затскриени зад смоквин лист
Некаде меѓу немајкаде и немукает
Призмата на нашите пизми тука е
Мајтап мајстори, тапани растропани, зависници од завист
Од немајкаде мајките си ги продадовме
И в мајчината се здадовме
Па заматено сега чмаеме
Точка измолзена од засирен кист