1012 hPa
93 %
7 °C
Скопје - Пет, 26.04.2024 02:59
Нашата намера е да ја воскреснеме Македонија.
Љубе Бошковски; А1 ТВ, 25.04.11
Ако во минатото суштината беше како да го подигнеме квантитетот во смисла на учеството на граѓаните во образовниот процес, (...) од овој момент главната битка ќе се води за квалитетот на образованието.
Александар Спасеновски, пратеник на ВМРО ДПМНЕ; „Шпиц“, 22.04.11.
Ако во минатото суштината беше како да го подигнеме квантитетот во смисла на учеството на граѓаните во образовниот процес, (...) од овој момент главната битка ќе се води за квалитетот на образованието.
Александар Спасеновски, пратеник на ВМРО ДПМНЕ; „Шпиц“, 22.04.11.
Бранко Црвенковски и Радмила Шекеринска се блиски соработници и на некој начин се лице и опачина во изминатите 19 години.
Никола Груевски реагира на кандидатурата на Шекеринска за премиер; „Алсат“, 20.04.11.
Во МВР работат близу 12 000 луѓе и јас навистина немам информација кој на кого му е роднина ниту, пак, тоа е релевантна информација, и кој со кого е близок и по кој основ.
Гордана Јанкулоска, министерка за внатрешни работи, одговара на прозивките за непотизам во МВР; „Шпиц“, 16.04.11.
Автобусот прво тргна по булеварот Партизански одреди и како да го оживеа целиот простор. Таксистите излегоа од своите автомобили и ја озборуваа новата ѕвезда на скопскиот асфалт. Граѓаните што го пиеја пладневното кафе по кафулињата занемеа. Шетачите, пак, застануваа на станиците да се сликаат со автобусот зад нив. На „Рекорд“ воодушевувањето беше уште поголемо. Како за момент сите да запреа.
Им застана залакот во устата на сите што јадеа во пекарниците. Патниците во автомобилите ги креваа главите нагоре, а возачите на постарите автобуси му завидуваа на својот колега. Истото се повтори и кога автобусот влезе во Аеродром, кога ја помина железничката станица. Градежниците ги оставија алатите, вработените во сендвичарниците ги заборавија плескавиците, а луѓето по становите излегоа на терасите и на прозорците да го видат автобусот и да го поздрават.
Сања Јачевска, Нова Македонија, 18.04.2011.
Тоа е јасно за „Центарот“, но не ми е јасно за сериозните дневни весници кои ги прифаќаат данајските антиреклами на „Центарот“ и со тоа го трујат својот профил (па не знам какви пари да се во прашање). Весник со четири црни страни плукања и антипропаганда не се фаќа во рака. Тоа ја контаминира и поклопува сета негова дневна содржина.
Љубомир Д. Фрчкоски, „Дневник“, 12.04.11.
Криминалецот Зоран Заев вчера со лаги сакаше да се претстави како чесен човек, но комплетно се закопа и се уништи. Од вчера Зоран Заев е мртов политичар. Ниту името му се исчисти ниту образот му се обели, напротив Зоран Заев стана уште поцрн и уште понеморален, тој покажа дека е непоправлив криминален ум.
Александар Бичиклиски, портпарол на ВМРО-ДПМНЕ, на прес конференција; 08.04.11.
Во Скопје се стркала солза... Една македонска фиданка испушти душа. Неретко погибијата ги осамнувала Македонците во Софија. Од Петров и Сарафов до Венко... Доста можеби немаше берданка на рамо да го бие турскиот аскер, ниту пак остро перо за да ја прозива Европа за македонската небиднина, но имаше љубов кон поезијата и литературата и најмногу железна волја да бдее над Македонија, без оглед на својата приватна осаменост.
Зоран Димитровски, нов глодур на „Дневник“; „Публика“, 09.04.11.
За волја на вистината, во Македонија постоеше еден период на нормалност. Тоа беше периодот помеѓу 1988, односно изборот на последното раководство на СКМ кое доброволно се откажа од контролата на медиумите, администрацијата, институциите и текови на стопанството и 1992 година, односно изборот на првата политичка влада на демократска Македонија предводена од Бранко Црвенковски. Во ова „златна доба на македонската демократија“ дури и државните медиуми воспоставија стандарди кои се денес недостижни за современите македонски медиуми, економија и животниот стандард беа највисоки во современата македонска историја, а демократијата не само што се чувствуваше, туку и се живееше.
Ивица Боцевски, „Дневник“,06.04.11.
Само за пет години Владата на Никола Груевски успеа речиси да го дуплира долгот. Никако не смее да се заборави септември 2006 година, кога Владата на Груевски дојде на власт. Тогаш вкупниот надворешен девизен долг на Република Македонија изнесуваше 2,4 милијарди евра. До крајот на јуни 2011 година, по повлекувањето на 220 милиони евра од ММФ, вкупниот надворешен девизен долг ќе изнесува околу 4,5 милијарди евра. Вклучувајќи го и наследениот долг од бившата СФРЈ, сите досегашни влади во самостојна Република Македонија, од 1990 година, па до септември 2006 година, ја задолжиле македонската економија за 2,4 милијарди евра.
Ден Дончев, „Утрински весник“, 06.04.11.
Тие знаат дека нема да победат, но се надеваат дека со транзициски манипулации ќе успеат да го направат следниот мандат полош од кој било досега. А нема да успеат во тоа, зошто повторно сакаат да ја силуваат целата македонска јавност.
Илија Димовски, пратеник; „Дневник“, 05.04.11.
Фашизмот е тема на петте книжулиња во третиот том на едицијата ОК.NO.
Десет песни од новата Темплум книга во едицијата „Модерна Македонија“.
OK.NO. - нова едиција книги по повод петнаесетгодишнината на нашиот портал.
Тони Димков го водеше разговорот со Никола Гелевски, основачот и главниот уредник на порталот Окно.