Неред и гротеска

 Браво Ана!

Bravo, skroz kriticki, no so mnogu argumenti! Za sekoja pofalba!
Steta sto i da go procitaat, nepismenite seljaci so se narekuvaat arhitekti, nema da razberat ni pola od napisanovo... Zatoa i nikoj ziv, ne moze da im objasni zosto "ne na Skopje 2014"!
 

Да , размислувања што се и за очекување од повеќето свесни млади архитекти , мене што ми пречи во овој пост е недостатокот на тие конкретни решенија за кои што зборува авторот. Зошто наместо видувања на нашите прогресивни архитекти има некој арт којшто ништо не зборува за темата. Жално е што оние кои што се против "Скопје 2014" многу малку работат на тоа да промовираат конкретни решенија кои што директно одат против сегашниот план. Упорно се тврди дека е невкусно, а како да не сфаќаат дека за да победат во своите барања, сепак треба да го убедат народот, а гротото од народот за жал за сега не може да види контра предлог на она што го нуди сегашната влада и повеќето го следат размислувањето "Абе поарно е да се гради отколку да не се гради" и рационализации од стилот "овие претходните само крадеа, овие барем градат". Јас ги повикувам сите оние кои што се сметаат за способни да направат некаква промена по оваа прашање, да излезат со конкретни решенија и добро формулирани (слично на текстот) причини, зошто не го сакаат проектот 2014 и зошто и обичниот граѓанин, оној не -архитектот, не треба да го подржува проектот. Да бидеме на јасно, Груевски популистички владее, и потезите што ги влече се резултат на неговото одмерување колку тој потег ќе му донесе поени кај народот, ако се створи доволно критична маса која ќе излезе со конкретни решенија многу полесно ќе се смени и неговиот став за проектот. Но, таква маса тешко дека ќе се створи со објавување крајно неозбилни карикатури од слики (како што првично уредникот на оваа издание реши да направи, слики од годзила и пирамиди), туку со повеќе вакви текстови кон кои што би се придодале озбилни визуелни решенија за изгледот на Скопје.
 

Лејзивлад, вашето писмо, зад измамничката фасада на конструктивност, нуди цели депонии демагогија! Тотално ги извртувате сите можни тези! И сосема наопачки ги гледате општествените односи, каде што оние на дното, што ги трпат лудилата на своите водачи, не само што треба да се воздржани, пристојни и послушни, туку треба и да бидат поголеми специјалисти (во сите можни области) од оние кои се избрани, од истиот тој народ, да бидат специјалисти!

Што очекувате, редакцијата на Окно (наместо да објавува слики што вам не ви се допаѓаат) од утре да почне да се занимава со урбанизам и градежништво?! А задутре со здравство?! Во спротивно, неаме право да критикуваме, зашто сме биле несериозни и неконструктивни?! Па логика налик на вашата, Лејзивлад, би изглеала демагошки и во среден век, а не денес!

Најсмешно е во вашата ужасна демагогија, толку типична за поддржувачите за најзебеганата (а истовремено најнеспособната) власт што ја задесила земјава последниве 50 години, што нејзе (самата лудачка власт, сосема посветена на градење потемкинови села и опустошување на се’ што не е нивната партија) вие сосем ја амнестирате од нејзината основна задача: демократски и цивилизирано да владее, носејќи најразумни одлуки во полза на што повеќе граѓани.

По вашата логика, Лејзивлад, нормално си е власта да ја прави оваа катастрофа, на сите полиња (капак на се’ е се’ поголемата недемократичност, од ден на ден, и се’ поголемото афирмирање на аргументите на силата); и нормално е оној што трпи, јебига, да ќути, освен ако не е способен да донесе урбанистички планови (или здравствена реформа итн.) која во една „чесна“ (аха, веруваме) „популистичка борба“ ќе го убеди народот дека урбанистичкиот хорор на црни Грујо баш и не е соодветен?! Јака логика!

Вашата слика на општеството и демократијата, lazyvlad (освен ако не потекнува од спинерските дувла на партијата, насочени кон ширење очај, резигнација и дефетизам, што на црни Грујо му овозможува мирно владеење), е поданичка и вазалска во најголема можна мера (ни ориенталните деспотии веќе не се мерка! народ пишти и се жали дури и во Иран, Турција, Египет!). Пола Загреб се дигна на нозе за узурпација на 20 метри јавен простор, а овде црни Грујо преорува цел центар, а за дозвола да се протестира или да се даде мислење човек треба да биде квалификуван или да поднесе барање во пет заверени примероци?!

Ради такви ко вас, Лејзивлад, спие скопскиот и македонскиот народ, речиси со векови, и мисли дека тоа е супер, дека така треба. Дека еден ден можеби од небо ќе паднат слободата и демократијата.

На крај, една информација за Окно: целата измината година целокупниот буџет со кој располагаше Окно (за колумнисти, уредници, хостинг, дизајн, се’ комплет) изнесуваше 10.000 евра. И објавивме околу 2000 прилози со тие пари. Грујо има 2,5 милијарди евра секоја година (а и повеќе, со можноста за кредити, глоби итн.). И, пак велам, ние во Окно треба да донесуваме конструктивни и разработени урбанистички и други планови?! Ил да замолкнеме?! Ми иде да вриштам кај живеам и со кого сум опкружен!!!

Колку што Скопје 2014 преставува одраз на кич, толку и авторските „дела“ на конкурсот за разгледници (на пр. пениси на кругче или она јадно „дело“ со циркуски елементи) беа израз на некреативност, медиокрититество и недостаток на духовитост.
 

10.000 evra ne e mnogu, no sepak bi mozelo da se ocekuva poveke avtorska rabota, namesto prenesuvanje naveke objaveni tekstovi od drugi vesnici i casopisi...glavno makedonski i srpski. ne se gleda mnogu rabota, zalam. ako sakate da postavite standardi, postavete gi so kvalitet. 

Ако мислите на фалусот од разгледницата на Ивица Кондев, не се согласувам со вас, Ориѓански. По мое мислење, тоа е многу добро уметничко дело, едно од позначајните создадени во нашата земја последниве години (покрај, на пример, „Позлатената клозетска шолја“ оставена на улица „Македонија“ минатата година). Ради сплет на околности тоа дело не доби награда на нашиот конкурс, но, велам, станува збор за феноменална уметност (сеедно дал ја гледате строго „естетички“, или, ко Адорно, „естетско-политички“).

Но, какви се тие споредби?! Конкурс за разгледници се споредува со преорувањето на центарот на Скопје?! Луѓе, во ред ли сте?! Што е проблемот со скопјани и Македонци?! Можно ли е толку да сте одлепиле, еден значаен дел од вас, што поважно ви е дали сте добиле некакво наградиче на еден конкурс за разгледници (а уште поважно е, изглеа, на вашиот конкурент да му цркне кравата!) од тоа што власта во сопствената земја ви (ни) спроведува естетски и политички терор, кој не може да се промени со копчето на далечинскиот?!

Не ве разбирам, стварно. И стварно работава е за вриштење. (единствена утеха е што сите си велиме дека целава оваа коментаторска и интелектуална и етичка и естетска и политичка мизерија во која се давиме е дело на вечно дежурните, будни и со сендвич-дневница и ветување за договор-на-дело поткупени партиски војничиња стратешки распоредени по дувлата; а знаеме дека баш и не е така, барем еден мал дел од нас, дека иако глупоста и вулгарноста и бруталноста на вмровецот излегуваат од коритата /и поплавуваат/, исто така баздат до небо бедата, кукавичлакот и глупоста на невмровецот, т.е. на морето опортунисти и медиокритети).

За Окно, пак: не е точно дека само пренесуваме текстови од домашни и странски списанија. Цела година објавувавме повеќе десетици текстови на барем десетина ексклузивни автори на Окно (Ирена Цветковиќ, Ана Ангелова, Вуна, Копач, Летаргичан, Бојан Антиќ, Дарјан Раденковиќ, Вангел Башевски, Никола Гелевски итн.). Уште позасилено тоа ќе продолжиме да го правиме и во иднина!

 Значи пун ми је курац од лигуши кои само лупаат напамет како навиени ленти. окно само пренесувало. само од српски и македонски. оф. па прочепкајте бе луѓе пред лупате по тастатура. еден од најсеопфатните и најбогати портали кој се појавил во мк просторот во последно време (и што е најжважно, не згасна). Па и да пренесува само, тоа што окно го пренесува е внимателно избрано, и не е за цицките на анџелина џоли. и седнале само гракаат, небаре окно го плаќаат од буџет за да ја оправи македонската кутлурна сцена, додека сите други треба слободно да спијат. мислам дајте луѓе, малку разум. не моеж и нема се да ви се допаѓа, ама доста со тој пристап на плукање и загушување на секој обид за малку покреативна расмисла и делување. ако умеете подобро покажете, ал не демотивирајте со негативно песимистички (и нималку додржани) ставови. стварно преку глава од македонскиот дефетизам. не се гледало работа па и жали, а седнал, коментира и своето време го посветува на неработниците, наместо да се фати за својата работа. јака логика, типична за македончето.

Браво Ана!

kolja, најпрвин би ве молел да не ме преименувате, јас се потпишувам како lazyvlad, а не како лејзивлад, вашиот обид да ме преименувате комплетно одговара и на целта на вашиот пост, да го извртите малку она што сум го напишал, за цел да изгледа препознатливо , а сепак да кажува друго нешто. Сепак lazyvlad , не е Лејзивлад иако вам може ви се исти , како што сигурно ви е исто во вашата "просветлена" глава она што јас го реков и она што вие го изведовте како заклучок. Јас сум сигурен дека моите обиди да ја поправам вашата намерна грешка (се однесува на анализата) кај вас ќе поминат како Сизифов обид, но сепак, ете ќе се обидам бидејќи мислам дека меѓу вашите читатели сеуште има интелигентни умови кои што каков таков во оваа општество сеуште чуваат отворен ум.
<quote>" Тотално ги извртувате сите можни тези! И сосема наопачки ги гледате општествените односи, каде што оние на дното, што ги трпат лудилата на своите водачи, не само што треба да се воздржани, пристојни и послушни, туку треба и да бидат поголеми специјалисти (во сите можни области) од оние кои се избрани, од истиот тој народ, да бидат специјалисти!" </quote>
1. Не знам кои тоа тези јас ги извртев, колку што можев јас да забележам немаше никакви тези изнесено пред јас да напишам нешто, ниту пак ги дискутирав мислењата на авторот на текстот со чии што ставови , иако реткост за некој што пишува на окно, се согласувам. Ако "Тотално ги извртувате сите можни тези!" е некоја реченица која што ја користите кога немате добро смислен увод, тогаш е во ред, сите го користиме она кое што сме го научиле, но сепак, за жал ако тоа поминува кај повеќето ваши соговорници, кај мене не поминува, и бидете сигурни дека ќе ви замерам за секој збор што сте го употребиле несоодветно.
понатаму...
2."И сосема наопачки ги гледате општествените односи, каде што оние на дното, што ги трпат лудилата на своите водачи, не само што треба да се воздржани, пристојни и послушни, туку треба и да бидат поголеми специјалисти..."
Вашиот став дека погрешно ги гледам општествентие односи, го ценам, оти сепак тоа е став на човек кој што го оформил мислењето како резултат на искуството и животот кој што го довел до таа позиција. Веројатно сте некој идеалист кој што реалноста ја гледа исклучиво низ призмата на сопствените вредности и идеали и нормално не мора таа реалност да соодветствува со мојата, оти сите си живееме во свој филм. И сето тоа е во ред... само што никогаш не реков оние на дното да ги трпат лудилата на своите водачи, ниту да бидат воздржани, пристојни и послушни. Вие сте оној кој што ги превртува тезите господине kolja, јас напротив побарав од вас да бидете поконструктивни во процесот на битка против глупоста на нашите вождови, оти онака како што се имате поставено, а се имате поставено како последниот бедем на одбрана во оваа држава, бидејќи очигледно друга поконструктивна опозиција овде не постои, вие решивте да бидете оние кои што ќе се занимаваат со политика и ќе го бранат малечкиот човек. А тоа не го правите соодветно. За да го одбраните малечкиот човек, ќе треба да слегнете од вашиот Букефал и да почнете да го зборувате јазикот на малечкиот. А јазикот на малечкиот за жал во овие судни времиња за оваа држава Грујо многу поубаво го зборува од kolja. И наместо да ја прифатите пријателската критика (оти тоа беше пријателска критика) вие решивте да се оружате со придавки и да ми зборувате за демагогија.
Што всушност сакате вие, кој ви е крив вам? Народот ви е крив?
<quote>Пола Загреб се дигна на нозе за узурпација на 20 метри јавен простор</quote>
Оти народот во Македонија таков каков што е , (нема да изречувам кфаливикации овде, но низ вашите текстови точно се гледа што мислите за народот на кој што му припаѓате) го избрал вождот, а богами спроед збиднувањата што се случуваат околу Скопје 2014, (пред се тука зборувам за групите што се формираа по социјалните мрежи  како Facebook) истиот тој народ како да ја подржува авантурата наречена Скопје. И наместо, кога веќе сте решиле да ја играте играта на политичар, оти текстовите на Окно се исклучително политички, наместо да научите да ја играте играта, вие се маскирате со ставот "
ние сме препаметни и прекултурни за да ја играме вашата проста игра".
<quote>По вашата логика, Лејзивлад, нормално си е власта да ја прави оваа катастрофа, на сите полиња (капак на се’ е се’ поголемата недемократичност, од ден на ден, и се’ поголемото афирмирање на аргументите на силата); и нормално е оној што трпи, јебига, да ќути, освен ако не е способен да донесе урбанистички планови (или здравствена реформа итн.)</quote>
Искрено вие се однесувате како дете кое што не му одговара да има аут во фудбалот па сега левата страна од игралиштето ќе биде без аут.
Нормално дека не е нормално да трпи и дека е нормално да се побуни и тоа би требало да се случи ако има
1.народ што така мисли, што очигледно тука изостанува или 2.КОНСТРУКТИВНА И ПАМЕТНА опозиција која што ќе го поттикне народот.
Истото се случи и минатиот век кога тогаш инфантилниот господин Љубчо реши да си игра на држава без опозиција, што се случи тогаш? За водата е природно да ја заземе формата на садот во кој што е налеана, така и за власта е нормално да ја заземе секоја трошка слободен простор што ќе и се даде, а така е тука во оваа земја во која што не ви се живее, тука оние кои што се бават со култура се приморани да се бават со политика, а кога некој ќе им рече дека баш и не се добри во она што се обидуваат да го направат, ќе го направат демагог.
Во ред е, не ви чини народот, не ви чини власта, се надевам не ви чини ни опозицијата, ама аман престанете со саркастичните текстови кои што провејуваат низ окно и да почневте да се занимавате со некој поконструктивни текстови. Го читам копач и неговата Шехерезад, бравос, конструктивност до крај, NOT. И тамам кога мислев дека читам добар текст, сте го исполниле како некое ундерграунд тинејџерче со сликички што му се "cool". И решив да ви кажам оти тоа почнува да ми пречи.
Јас не барам да донесете урбанистички план.
Да ми ставевте некој сликички или барем видувања од она што го работи групата на авторот на текстот, ќе бев задоволен, ќе си речев "добро е, има луѓе во Македонија", ќе ве објавев на Facebook и среќен задоволен ќе чекав сите мои пријатели да речат "Добар текст".
Ама нема луѓе нели? Ви пречи што некој ќе го "украсува" Скопје со триумфални порти? Па кај се бе луѓе нашите архитекти кои што нешто работеле овие 20 години на Р.Македонија, па зарем нема некој текст , некој проект, некој цртеж, некоја идеа, кај се сите тие автори, еве јас налудничаво го кликам окно и барам...барам...
3.<quote>која во една „чесна“ (аха, веруваме) „популистичка борба“ ќе го убеди народот дека урбанистичкиот хорор на црни Грујо баш и не е соодветен?! Јака логика!</quote>
Па вие не сте од вчера на оваа планета, а сите оние што се тука од минатиот месец знаат дека "чесна популистичка борба" не постои, кој ве моли бе за чесна борба? Има само популистичка борба, не постои чесна популистичка борба, сето она што се случува за време на борбата се правила на играта. Да барате чесност во "популистичка борба" е како да барате од кошаркарите да не маваат тројки, оти ете вие баш и немате играчи соодветни за одбрана од тројкаши. Обејктивно гледано црни грујо на сите им држи часови од кошарка (бокс?) и колку и да не ми се допаѓаат неговите потези поради тоа што сум суштество со вкус, исто така сум и суштество што почитува добра тактика и за жал црни Грујо решил да го жртвува коњот(тоа сте вие,а и јас) за подобра позиција на шаховската табла. (или можеби се гледате како пешак).
Се надевам ви пречи и опозицијата, оти ако имате грам доблест , ќе ви пречи таа аморфна безврeдна маса на стари задрти некреативни суштества кои што да беа истресени на плочките од WC-то на студентскиот дом ќе беше најдобрата работа што може да и се случи на оваа држава. Сигурно ви пречи, оти да не ви пречеше немаше да решите да ја преземете целокупната опозициона битка на ваш грб. Но за жал исто како и оние што треба да се бават со политика, и вие тоа го правите неуспешно и инфантилно. И тоа е она што не чини
И јас ја разбирам вашата желба да крикнете и да спискате, кој не би , вие сте наводен уметник присилен да се бави со политика. Страшна работа. Ама наместо да крекате, обидете се да бидете поконструктивни и богами повешти.
Политиката е курва господине kolja и вие веќе подолго време се почесто ја посетувате таа госпоѓица, ако веќе си имате работа со курви, користете заштита.
 
 
 
 

...истата дефетистичка и парализирачка демагогија... Жал ми е за вас, Lazyvlad (името ви го пишував на латиница - почитувам игри, зборови, имиња, самиот сум склон кон зборовни игри - но прееска кога го ставав коментарот, неколку пати ми беше болдиран целиот текст - багови ли се што ли се во програмот - па го променив на кирилица вашето име; ете, простете за таа грешка). Велам, жал ми е за вас, зашто такви профили се иам изнагледано деценииве наназад, низ Скопје. Они као знаат. Они се као супериорни и дистанцирани. Цинични кон се’. Си седат во своите сопчиња. И дур се млади дури и успеваат да ја залажат околината, дека има нешто тука, некаква посебност, некаква индивидуалност... Ама почнува да гние, се’, неверојатно брзо (Блаже Конески имаше песна, нешто во стилот, „брзо прецутуваат девојките во мојот град“; Горан Стефановски има трогателна кафанска анегдота за таа скопска парализираност, децении, векови: вели Горан, 20 години наназад доаѓа во истото бифе, во Драмски, и среќава еден ист остарен глумец кој при секое среќавање му вели дека кај и да е еве баш ќе ја поставам онаа монодрама што ја сонувавме пред 20 години.)

Тоа ваше мртвило, Lazyvlad, тоа мрзоволие, таа толку добро позната скопска накурченост (безразложна, која произлегува од страв, од несигурност, од незнаење и мрза) - совршено се познати. Дури и тие ужасно изветвени шовинистички и сељачки фори („Политиката е курва господине kolja и вие веќе подолго време се почесто ја посетувате таа госпоѓица, ако веќе си имате работа со курви, користете заштита“) се истиот проклет текст што се повторува со децении, ко во Твајлајт Зона, ко да сме ушлајфани во репетиција. (Башка таа ваша реченица делува, освен вулгарноста, толку глупо, толку надвор од било какво промислување на современоста - Рансиер, на пример, збори дека во современиот свет политиката исчезнува на сметка на културата, станува претстава, инсценација, маневар и спин - што предизвикува, вашата изгубеност и анахроност, исклучиво сожалување.)

Грешите и дека го презирам „народот“ (што и да значи тоа). Напротив, од моите текстови произлегува сериозност и почитување дури и за она што го сметам за најмалигна опасност за иднината на оваа земја, со сите нас комплет во неа (и во иднината и во земјата); моето бавење со ВМРО и со црни Грујо токму значи дека не се премислувам да влезам во канализации и да гацам со чизми низ гомна. ВМРО е заебана тоталитарна закана, но заслужува почит, заслужува бавење со неа. Почит макар како непријател.

Знам кај живеам. Знам кое ми е опкружувањето. И се трудам, без да се откажам од својот интелектуален (естетски, етички, политички...) багаж, да ја сфатам сопствената средина и да ја направам подобра. Ако ништо друго, подобра за такви „изроди“ ко што сум самиот.

Вам, Lazyvlad, ви пожелувам среќа во вашите борби. За вашите „уреднички“ забелешки - ви благодарам, но ви повторувам: светов стана истовремено и бескрајно комплициран и многу едноставен; некои блогови привлекуваат поголемо внимание (дури и експертско, не збориме за „презрениот народ“!) од медиуми опслужувани од стотици луѓе. Целото ваше стратешко, естетско, политичко, најпосле уредничко знаење, Lazyvlad, можете да го направите сосема транспарентно, во вашата работа, на вашиот блог, било каде... Ете, мал совет за крај: да ми испратите некој линк, со вас, за вас, со вашето знаење, да видам навистина како треба и како не треба, надвор од овие лесни и евтини демагогии што ги испраќате, но за кои имам разбирање зашто во вакви заебани времиња, коа секој го штити својот гз, повеќето луѓе просто рефлексно прибегнуваат кон демагогии, општи места и стереотипи, просто како кон некакви нововоспоставени социјални норми...

Драг kolja за моја најголема жал фазата на супериорни фраерчиња, типчиња што знаат се ...е одамна помината. А штета е. Оти кога и да помислам на тие времиња ме облива чувство на среќа и радост , како некое убаво време да било тоа, а не тмурно и никакво. Тие денови јас и мојата генерација забутани во центарот на светот растевме одвоени од светот со надеж дека можеби работите ќе се оправат догодина. 20 години подоцна јас сум на окно node 4964 и очекувам да читам квалитетни, изджани текстови, а всушност дискутирам политика со уметник, реномиран уредник кој што ете некако последните години решил да се бави со политика, оти <quote> Рансиер, на пример, збори дека во современиот свет политиката исчезнува на сметка на културата, станува претстава, инсценација, маневар и спин - </quote>, демек некој си Рансиер така зборуваше и така е , а ти lazyvlad, си будала ако мислиш да ми кажуваш очигледни работи, оти во секое време можам да го цитирам некој си Рансиер како зборува мудрости. Тоа што ми референцирате некој си личности за да докажете колку моите ставови се заостанати во поглед на културата, политиката и општо устројството на светот и универзумот е исто како кога би се обидел да ви докажам дека постои остров со диносауруси, да ви дадам линк до "Park Jura", а ако вашата рационална личност ви вели дека тоа не е така и не е можно, е па тогаш, жал ми е господине kolja вие сте изгубен и анахрон, кај мене предизвикувате сожалување.
<quote>се истиот проклет текст што се повторува со децении, ко во Твајлајт Зона, ко да сме ушлајфани во репетиција.</quote>
Па да kolja, тукушто изрековте гола вистина, оти ние сме ушлајфани во репетиција. Од светот единствено што имаме прифатено овие 20 години се три мобилни оператори и неколку провајдери на интернет, се друго е таму некаде во деведесетите, ако не и порано.
А кога на тоа ќе го придодадете и фактот дека нашата комплетна опозициона сила во оваа држава е истата структура од тоа време, на Твајлајт зоната не и треба ни наратор, се е јасно. Уште да ни дојде Љубчо, ќе станеме епизода од "LOST" - 5 сезона.
И сега kolja ќе ги чисти канализациите... Во ред. Нека ги чисти, кој друг ни остана?
Човекот е во издавачката дејност неброени години наназад, ќе го биде белким да среди едно онлајн издание што ќе и парира на <quote>ВМРО е заебана тоталитарна закана, но заслужува почит, заслужува бавење со неа.</quote>, оти опозицијата таква каква што ни е, не може да си ги најде чизмите за во канализација, ќе ја повикаме културата на припомош оти нели така зборуваше Рансиер... Проблемот е што колку и да ме наречувате циничен,изгубен, со сељачки фори и шовинист останува горчливиот вкус во уста дека вашите текстови не се доволни за борба против ингениозните популистички потези што ги влече вождот . Оти ако чистите канализации, ќе треба да слегнете во канализацијата. Со вашите дистанцирани, саркастични, трагикомични текстови што ги презентирате овдека комплетно ја промашувате идеата на чистење канализации, повеќе ми личи на чистење прозорци на облакодер, каде малите луѓе се само точки.
А јас сум од редовите на малите луѓе,македонци кои што сакаат да се изгради нешто во нивната земја, убаво им  е кога слушаат спортски достигнувања на нивните сожители и се радуваат на убавото време, вие треба мене да ме убедите дека не сте еден циничен бивш фраер од маало, туку тоа што го говорите навистина држи. Со сликичките кои што ги ставате за жал не успевате.
<quote> Ете, мал совет за крај: да ми испратите некој линк, со вас, за вас, со вашето знаење, да видам навистина како треба и како не треба, надвор од овие лесни и евтини демагогии што ги испраќате, но за кои имам разбирање зашто во вакви заебани времиња, коа секој го штити својот гз, повеќето луѓе просто рефлексно прибегнуваат кон демагогии, општи места и стереотипи, просто како кон некакви нововоспоставени социјални норми...</quote>
Овие лесни и евтини демагогии се се што ви треба да знаете за борбата против (дрн дрн) вождот, оти со токму такви лесни и евтини демагогии(???yeah right) се служи политиката. А ако мислите дека со вашите скапи квази комични, шехерезад и Али Ба текстови ќе направите констурктивен потег кон подобрување на сеопштата состојба на македонскиот народ, како социјално така и културно, тогаш драг преначитан kolja се лажете.
Исто така вашиот совет да ви линкам работи е како крик на мало дете кое што на другото мало дете му вели: "мојот татко ќе го натепа твојот татко оти има карате 9ти дан" , тоа е исто како режисерот да им се лути на гледачите оти не им се допаѓа како го направил крајот и демек "дајте бе копуци да видам како вие ќе го направите " . Get real dude, im not into politics.
Јас програмирам за живеачка (добар избор drupal) , а ако тоа што не пишувам блогови на тема политика ме прави несоодветен да коментирам на оваа медиумско издание, ондак господ нека ни е на помош ако вие сте нашиот спас за излез од канализацијата....
 

ЛЕјзивлад напиша книга чоек... хахаххахахахахх. Ал што кажа?! Важно ќе те замељуши со дрндање.

....и да се вратиме малкуцка...БРАВО АНА!!!

 Читам, и читам, и читам и не ми е јасно што е целта на коментарите?! Некој да ми објаснеше ќе му бев благодарен. Коља не чини? Џабе цитира и чита? За курац не го бива како уредник? Окно е срање? Никој нема во проклетата држава да не спаси од бедотијата, зашто сите с(т)е заникаде? Се ми е мене јасно, ама вас за шајка не ве бива! ....
Тоа ли сакаш да кажеш лејзивлад? Па кажи на кратко и јасно, не го тупи мајку му. Стварно е напорно човек постојано да чита портпаролски обраќања кон госпон Коља и „соросоидите“ и слични глупости. Преку таквото и од Коља и неговите другарчиња кои се опседнати со него. Кој што прави, коментира и на крај секогаш финишира со лекција за историјатот на некој си уредник, и „кад су они деца били“.  
Навистина, повеќе ќе се научи за политика и култура од читање на содржината на шампон за глава, отколку од коментарите на македонските портали.

@anonimec <quote>Тоа ли сакаш да кажеш лејзивлад? Па кажи на кратко и јасно, не го тупи мајку му</quote>
Па не беше баш тоа целта на моето обраќање, но поблиску сте од вистината од mario. Ама ете да сумирам и да не должам оти очигледно на денешно време сето обраќање кое што може да го направи човек е преку twitter формат, се друго е "напиша книга", може затоа луѓето во македонија се помалку читаат книги?
Човек како мене , му пречи кога некое издание кое што го бие глас на добар културен гласник во земјата, се излошува и почнува да чисти канализации.
Или окно нека се трансформира во политички гласник и почне да објавува текстови од колумнисти што секојдневно се бават со политика, и ги бива повеќе од квази политичарите како kolja, или нека си го прави тоа што треба да си го прави и ќе почне да објавува салам текстови кои што не се претрупани со "деградацијата, нередот и гротеската". 70% од текстовите на окно се со таква содржина.
Јас не сум против kolja и неговите другарчиња, и искрено сметам дека они се позитивна сила во државата и првичниот коментар беше наменет како пријателска сугестија на некој што сака да го чита ова издание ама што му пречи трендот што се повеќе и повеќе се засилува. Ако не смеам да го изразам моето несогласување, тогаш со истото рационализирање и kolja не би смеел да се побуни против деградацијата и гротеската на грујо... и тогаш сите би биле како од твајлајт зоната на kolja.
@mario ти мора да си од оние сезнајковците што у школо не читаа лектири оти го гледале филмот....

@lazyvlad <quote>Жално е што оние кои што се против "Скопје 2014" многу малку работат на тоа да промовираат конкретни решенија кои што директно одат против сегашниот план. Упорно се тврди дека е невкусно, а како да не сфаќаат дека за да победат во своите барања, сепак треба да го убедат народот, а гротото од народот за жал за сега не може да види контра предлог на она што го нуди сегашната влада и повеќето го следат размислувањето "Абе поарно е да се гради отколку да не се гради" и рационализации од стилот "овие претходните само крадеа, овие барем градат". Јас ги повикувам сите оние кои што се сметаат за способни да направат некаква промена по оваа прашање, да излезат со конкретни решенија и добро формулирани (слично на текстот) причини, зошто не го сакаат проектот 2014 и зошто и обичниот граѓанин, оној не -архитектот, не треба да го подржува проектот. 
--------------
Очигледно не си ја разбрал поентата на противењето или не си доволно информиран. Во нормалните демократски општества, какво што претендираме да станеме, кога владата има желба да се занимава со големи градежни активности и да инвестира во капитални проекти, најчесто се формира широка комисија од експерти (домашни и странски) од разни области, кои по опсежна анализа на проблемите и потребите и по низа јавни стручни дебати, треба да изготват проектна програма. Потоа, за да се добијат најквалитетни проекти се распишува меѓународен конкурс за урбанистичко и архитектонско решение. За да се информира светската стручна јавност се креираа специјална веб страна, конкурсот се објавува и во сите поважни стручни весници и списанија ширум светот, а може да се праќаат и директни покани до познати архитектонски бироа. Откако ќе пристигнат трудовите, треба да бидат оценети транспарентно од експертска комисија (домашни и странски екперти), а по прогласувањето на победничките решенија треба сите трудови да бидат изложени на увид на јавноста, која ќе има реална подлога да дебатира околу повеќе различни предлози .
Кај нас ситуацијата е обратна. Нарачателот – владата има потреба од верски објекти или објекти за државни институции, се обраќаат до фирмата миленик, која неколку години по ред под диктат на владата или општина центар ги изготвуваат измените на урбанистичките планови. Фирмата миленик, поставува градежни маркици за триумфални порти, колонади, споменици, државни институции, се што ќе посака нарачателот на потполно погрешни места. Измените на планот се носат по скратена постапка (вон законски), тивко, и надвор од фокусот на јавноста. Јавните анкети за измените на планот се прават  во забутани простории, во август- кога сите се на одмор или за време на новогодишните празници, за да се избегнат сите можни реакции на стручната јавност и граѓаните. Малиот број  архитекти или граѓани кои укажуваат на проблемите, се игнорираат или се етикетираат како опозициски. И така на мала врата се усвојуваат урбанистички измени кои се толку големи што можат целосно да го разобличат градот.
По само неколку недели од усвојување на измените од планот се појавува скапа 3Д анимација со веќе готови објекти/фасади, како што си ги замислил нарачателот. Потоа се распишуваат конкурси за ново-предвидените објекти,барокни катни гаражи и сл.(колку да изгледа дека постапката е фер),  а нарачателот на архитектите им дава урнек од фасада- или писмено упатсвто за тоа како треба да изгледа објектот, во спротивно ќе биде дисквалификуван.
Архитектите и граѓаните што се противат на ваквото самоволие на владата  и кои бараат фер,  јавни и транспарентни меѓународни конкурси, без диктати,  за да се дојде до најдобро можно решение за градот, се игнорираат или се прогласени за предавници, антидржавни елементи, наркомани, соросоиди, богохуљи, СДСМовци, комуњари и сл. На граѓанските протести од разбирливи причини се појавуваат членовите на очајната СДСМ, а тоа е доволен знак за кутрото поларизирано општество да ги прогласи протестите за невалидни- пошо таму биле Петко и Станко од СДСМ. Архитектонскиот факултет си молчи – професорите се уплашени дека ќе ги загубат работните места или пак дел од нив биле инволвирани во матниот процес. И на крај се појавуваат вакви коментари како твојот, што бараат од архитектите кои што се противат на Скопје 2014, да си изработат свое предлог решение (можеби уште едно филмче од 150 илјади еура)  за да му го покажат на народот, па народот да процени кој филм му се  допаѓа повеќе ?!? Значи народот наш (експерт за се) има потреба да види повеќе решенија, ама за жал таа можност му ја ускрати владата која „барем нешто гради“. Ти не си тој кој треба да ги повикуваш способните да излезат со конкретни решенија. Тоа требаше да го направи владата (ако имаше искрени намери за решавање на проблемите на граѓаните и градот) со распишување на меѓународен урбанистички конкурс на кој сите ќе имаа рамноправна можност да ги покажат своите идеи. На крајот, просторниот развој на градот со целокупната инфраструктура која е најбитна а запоставена во проектот Скопје 2014, не смее да се сведе на избор помеѓу два филма- архитектурата не е само сликичка/фасада, а урбанизмот не значи окупација на празните јавни простори како што сакаат да го прикажат од владата, туку прилично студиозен и комплексен процес, со кој треба да се занимаваат професионалци, а не политичари.

lazyvlad, најпрвин, редно време е да увидиш дека порталот не поддржува html кодови какви што се обидуваш да користиш за цитирање. Неисе, важното, велиш: 
„Ако не смеам да го изразам моето несогласување, тогаш со истото рационализирање и kolja не би смеел да се побуни против деградацијата и гротеската на грујо... и тогаш сите би биле како од твајлајт зоната на kolja.“
Две работи: 
1. повторуваш ист став по трет пат, и џабе е и по трет пат да се обиде некој да ти долови (ко што Коља се обиде на два пати) дека праиш глупи, и недодржани паралели. Другарче, Груевски троши пари од твој буџет (претпоставувам плаќаш данок), како што троши  пари и од Коља, и секој граѓанин на РМ. Да се „противиш против гротеската на Грујо, без притоа да понудиш „проект“ како што ти велиш, е демократска обврска не само право или „смеење“. Додека, да се противиш против ОКно и начинот на пишување на Коља и „другарчињата“ е само право на мислење - но не и обврска. И во овој дел ти си збунет, наполно. Прво, укажување и позивна критика не побарува 3 страници плукање и квази-анализа на личност (колку и да се обидуваш да докажеш дека си имал друга намера-и да си имал, не си успешен во тоа). И, поважо: доколку тебе Окно и авторите на окно не ти се допаѓаат, ти можеш слободно да не го читаш. Ако болницата во која се пораѓа жена ми е во услови кои најверојатно појќе ќе ја убијат, отколку што ќе и помогнат, зашто некој моите пари ги фрла на споменици наместо во основни инсфрастурктурни потреби, јас не можам да најдам друга болница! Оттука, обврска ми е и мене, и на секој друг граѓанин на МК (посебно оние со пристап до јавните говорници) да го искаже револтот и несогласувањето со глупостите на властите. Како може да не ти биде јасна разликата, навистина не ми е јасно. 
И второ: На овој портал имаш минимум 5-6 македонски автори/колумнисти. На овој портал се преведени уште минимум 50 различни автори, од бројни западни и балкански медии. Да го сведеш на „квази политичарите како Коља“ е прво и основно да покажеш дека не правиш разлика помеѓу политичар, аналитичар, и  колумнист, и второ и уште посимптоматично покажуваш доза на фрустрација поврзана со една личност, а не со медиумот. Окно не е Коља, барем ајс не го доживувам така, иако тој е уредник (два текста од него не сум прочитал, а секој ден го посетувам во последните 3-4 месеци и читам по минимум 2-3).
Од овие причини се јалови твоите коментари долги по 3-4 страници. Не зашто не сакаме да читаме, туку зашто има многу други важни книги кои чекаат на читање, па мачно ни е од дефетистички коментари кои наликуваат на пропагандни памфлети од исфрустрираните подруми. Прости вака, ама ете, ако јас не смеам тоа да ти го кажам, тогаш и ти не смееш окно да го напапаѓаш (ух, па и грдо ли прозвучев во обид да ја следам твојата логика).секое добро 
 

Најрпвин, сосема очигледно е дека порталот не подржува такви тагови, но сепак и покрај тоа, јас настојувам да ги користам, бидејќи текстот го читаат свесни луѓе како вас (?) господине mario и се надевам ќе го разберат мојот обид да претставам квотација без разлика што истата не ја подржува сајтот. Да ми замерите за тоа е исто како да ми замерите кога би пишувал на портал кој што не подржува кирилица , на латиница. Во тој случај сигурно вашата ароганција би си дозволила да напише "redno e da vidite oti tuka nema kirilica, pa prestanete da pisuvate". Непотребна употреба на бајти, вашата замерка, а и мојот одговор. Како и да е...
Понатаму, иако напишав 3 страни долг досаден текст, вие се потрудивте мислата што на крајот ја напишав да ја соголите од секое значење и да си ја протумачите на ваш вулгарен начин. Точно е дека квантитативно односот грујо - окно(еве ќе престанам да го поистоветувам окно со kolja) и односот окно - lazyvlad не се на исто рамниште и дека последиците од постапките на грујо се можеби (акцент на можеби) поголеми од последиците на постапките на окно, но сепак, квалитативно за жал имаат исто значење.
Зошто?
Она што еден медиум како окно треба да придонесе во државата е (се надевам тоа е определба и на уредувачите на медиумот) унапредување на културата, промовирање на пишаниот збор и воопшто експанзија на мислата на своите читатели. Имајќи предвид дека такви изданија во нашава земјичка се се поретки, ако воошто некогаш се биле чести, оние што останале како дотичниот окно, еден обичен читател кој што ги негува истите цели, се чувствува загрижено и погодено ако она што тој го смета за една од позитивните сили во неговата, инаку  сиромашна земја со такви сили, почнува да се деградира и губи во сопствениот обид да се преструктуира во една поразлична (квалитативно, а можеби и квантитативно) сила. И ако една од последните институции што треба наводно да се бави со култура почне 80% од своето време да го фокусира на политика, колку и да и се добри намерите на таа институција/медиум, погубни се за нас.
Добар пример дадовте со болницата и смртта на родилките, оти точно таква е сликата на културата во Р.Македонија. И ако некој го убива еден од последните бедеми на културата во Македонија оти решил да си игра на политика,  ќе си напишам коментар на страните на тој медиум. Квалитативно се работи за иста работа, сакале вие тоа да признаете или не. А вашето решение да не го читате, ако не ви се допаѓа е исто како јас да ви кажам не ја носете жена ви на пораѓање??!?!?
Премногу ја релативизирате потребата за пишаниот збор, очигледно не и давате доволно значење и вам ви е се исто ако постои окно или не постои. Како не можете да видите оти тие процеси (грујо-народот) (окно и сл. -народот) се исти, воопшто не ми е јасно...двата процеси се дел од еден исти колач.Ама ок е, а зошто и да го видите тоа, вам ви е гледан филмот....
Ако на сеопштата деградација во државата, културните институции, како окно, решиле да одговорат со "чистење канализации", па тогаш, нека чистат канализации, јас лично сум за да си го задржат интегритетот и воошто да не си играт на политика, ама очигледно некој структури внатре во окно имаат други планови, па затоа кога веќе е така, а така е, нека го прават тоа.
Тоа што можеби чистењето канализации ќе биде многу погубно за оној сегмент од општеството кое што тие треба да го претставуваат и кон кое што нивните напори треба да бидат насочени, тоа не е битно , "СЕКОГАШ МОЖЕ ДА НЕ ГИ ЧИТАМЕ??!!!". Па и нормално е Грујо да гради гротески во државата, овие 20 години не се деградираше само економскиот аспект на државата, се деградираше (и многу повеќе отколку што некој би очекувал кога би предвидувал) и културниот аспект на државата, а определбата уредниците на окно се почесто да се бават со политика отколку со култура уште повеќе помага во тој процес. 
<quote>да се „противиш против гротеската на Грујо, без притоа да понудиш „проект“ како што ти велиш, е демократска обврска не само право или „смеење“</quote>  (ете ги квотациите пак??!)
Да се противиш е право и смеење, нека е дури и демократска обрска (иако би дискутирал на таа тема ама во друга прилика) и тоа е се во ред, и никогаш не реков дека не треба да се побуни.
Ама ако 70% од текстовите во моментот на окно се со таа тематика, тогаш противењето очигледно сакаш да го однесеш на едно ново ниво, ајде да го наречеме отворена борба, и мојот првичен коментар "маскиран во фасада на конструктивност", (rofl) , беше обид да му предочам на господинот kolja оти преку к* ми е од неговите сликички и бладања на таа тема и најконструктивно да му предложам или да го направат окно едно обично електронско издание на шпиц , или нека престанат да си играт на политика!
<quote>Прости вака, ама ете, ако јас не смеам тоа да ти го кажам, тогаш и ти не смееш окно да го напапаѓаш (ух, па и грдо ли прозвучев во обид да ја следам твојата логика)</quote>
Ќе ми простиш ама никогаш не реков дека не смееш тоа да ми го кажеш , и ако имаше нешто грдо во таа реченица беше твојот обид да звучиш хумористично, а по мојата логика имаш секакво право да ми го кажеш тоа што си го мислиш.
Поздрав.