1012 hPa
100 %
7 °C
Скопје - Пет, 26.04.2024 01:59
Во шумата криенка се игра:
ене го мечокот – зад кактус,
колибрито се крие зад игла,
гнуто зад розов аспарагус.
На магарето увото му ѕирка,
на зајко му се гледа опавчето,
ајкулчето се крие зад икра,
а рунтавиот пес зад мачето.
Нојот со затворени очи бара,
му слетува на глава бубамара,
му вели оти ќе му донесе гости,
штом завршат пролетните пости,
кога одеднаш еднорогот Мите
извика: „Пу за мене, пу за сите!“