Боли глава

Танц и ора е нов предмет на децата во Осмо.

Не ми е јасно како е можно да се толку некреативни. Не викам дека не треба и ова да го научат, ама може на час по музичко, можат и за џез и рок да учат.

Тоа што е потребно е Час по филм. Нека почне и со игра на пантомима, учениците да погодуваат наслови.

Во моментов најмалку 50 наслови ми паднаа на памет. Од нив децата, со мала анализа, ќе научат за секој предмет по нешто, ќе научат и социологија и антропологија, за болестите на денешно време како булинг, мобинг и депресија.

Веќе ги осмислив часовите со филм и сигурна сум дека многу посилно и поедукативно децата ќе ги примат од општо прифатено дрдорење на полуписмени психолози, педагози и дефектолози партиски испопикани по школите.

Потребно е радикално и кретивно менување на образовниот систем. Тоа секако не му одговара на ниту едно дефектно општество!

Учете филм ќе биде новата кампања. Ја почнувам денеска! 

Ана Василевска, Фејсбук, 05.09.22.

Општина Центар, Горан Герасимовски, а бе не ви е срам и малку страв од арам што ќе ве стигне, од тоа што се случува на влезот на Стара чаршија?! Од диво поставените тераси и тезги, шут, искршени плочки, на платото пред стоковна куќа Мост?!

Барем, тоа, бе, малечки човеци (како оние на Вилхелм Рајх), средете го, во пет дена може да биде готово! Ем ќе си ја затскриете немарноста за длабоко вредните точки на општината (како Стара чаршија, до таму до каде имате надлежност), ем бегајќи од плоштадот на Ники Грозни ќе имате каде да си ги однесете странците гости, ем колку толку ќе одглумите едно општество за сите, и бришење на насилната граница од онаа и оваа страна на Вардар.

Вики Младенова, Фејсбук, 31.08.22.

Во Албанија никогаш немало Бугари. Станува збор за побугарени Македонци и тоа за пари и за други интереси. Тие кои се декларираат како Бугари во Голо Брдо и Гора знаат дека се Македонци, но тоа се лица кои поради материјални интереси сега шират антимакедонска пропаганда. Сето оваа е поврзано и со состојбите помеѓу Македонија и Бугарија и притисоците на Софија за бугаризирање на Македонците.

Никола Ѓурѓај, политички аналитичар и главен уредник на весникот „Илинден“од Тирана; Слободен печат, 30.08.22.

Шемата функционирала така што одредена банка идентификувала компании коишто ги отстапувале своите деловни сметки, на кои банката им исплаќала одредена сума на пари врз основа на фиктивни договори за кредит, а потоа истите компании формално им ги позајмувале тие пари на други компании, исклучиво по избор на банката. Сите знаеле што се случува ама никој ништо не презел.

Трифун Костовски, сопственик на „Еуростандард банка“; 24 вести, 22.08.22.

Ова што Охридскиот пливачки маратон нема да се одржи поради блокирана сметка на пливачката федерација е толку голема брука што во нормални држави ќе беше во топ скандалите на годината.

Кај нас, срамот нешто го снемува, а додуша и конкуренцијата на бруки е преголема.

Не знаеме од што попрво да се срамиме и запрепастуваме.

Дневно, а камоли годишно.

Катерина Синадиновска, Фејсбук, 18.08.22.

Од чувано куче, за кое некој се грижел, тоа одеднаш е оставено само во природа. Постојано е под стрес бидејќи се наоѓа во непозната средина. Може да загине, да се разболи или да го нападнат други животни.

Тие се парат со волците и прават хибридизација. Може да предизвика промена на изгледот и на морфологијата на волкот, а со тоа и да го загрози видот.

Неколку причини се посочуваат како клучни за зголемувањето на популацијата на кучиња во природните средини, и сите се поврзани со луѓето. Домашните миленици треба да бидат чипирани, за службите за заловување да може да го најдат сопственикот чие животно се загубило или кој намерно се ослободил од него на јавен простор. Но, такви служби нема доволно.

Диме Меловски, истражувач на рисовите и на други големи диви цицачи; ПРИЗМА, 10.08.22.