Почина музичкиот продуцент Стив Албини

Американскиот музички продуцент и музичар Стив Албини почина од срцев удар на 61 година, потврдија од неговото музичко студио Electrical audio.

Покрај тоа што како продуцент работеше на албуми на Nirvana, Pixies, Пи Џеј Харви, Џими Пејџ, Роберт Плант и други, Албини беше и фронтмен на бендовите Big black и Shellac, чиј прв албум по десет години пауза треба да излезе овој месец.

Албини почнал да свири во панк бендови уште како тинејџер, а кога бил студент го формирал панк рок бендот Big black, кој објави два студиски албума во осумдесеттите. По краткотрајниот бенд Rapeman, во 1992 ја основал ноиз рок групата Shellac, со која сними шест албуми.

Албини беше еден од најзначајните продуценти на независната рок сцена, а долгата листа музичари и бендови со кои соработуваше ги вклучува и Mogwai, Helmet, The Breeders, Manic Street Preachers, Bush, Neurosis…

Извор: https://sdk.mk