1015 hPa
44 %
24 °C
Скопје - Нед, 12.05.2024 15:59
Додека кризата во Европа се шири, нејзините жители прибегнуваат кон стереотипизација за да се чувствуваат подобро и да го обвинат другиот за своите проблеми. Шест списанија во Европа од своите читатели побараа да напишат како ги гледаат своите соседи. Ова се резултатите.
Како Европејците ги гледаат Британците:
„Пијани полуоблечени хулигани и главно ’пицнати’ снобови.“
Што им одговараат Британците:
„Како можеме истовремено да бидеме ’дотерани’ и подивени хулигани кои полупијани ја соблекуваат облеката од себе?“
Како Европејците ги гледаат Французите:
Кукавици, арогантни и шовинистички сексуални манијаци.
Што им одговараат Французите:
„Кога е во прашање нашиот сексуален живот, истражувањата секогаш нè ставаат некаде во просекот.“
Како Европејците ги гледаат Германците:
„Исклучително ефикасни, внимателни, дисциплинирани и склони кон крадење на најдобрите лежалки и чадори на летување.“
Што им одговараат Германците:
„Сè е вистина... отсекогаш сме биле исклучително внимателни и дисциплиирани кога станува збор за правилното одржување на овие стереотипи.“
Како Европејците ги гледаат Италијанците:
„Ги избегнуваат даноците, живеат живот на големи заводници, налик на Берлускони, неспособни за храброст.“
Што им одговараат Италијанците:
„Нашиот најголем проблем е истото она што вие го почувствувавте читајќи ги овие предрасуди – самозадоволство.“
Како Европејците ги гледаат Полјаците:
„Ултракатолици кои многу пијат, со одредена црта на антисемитизам, и кои се исклучително посветени на водоинсталатерството.“
Што им одговараат Полјаците:
„Овие стереотипи се донекаде точни. Полјаците пијат просечна количина алкохол, навистина се католици, ама не се загрижени за тоа што црквата има да каже, и антисемити се онолку колку што е и просечниот Европеец.“
Како Европејците ги гледаат Шпанците:
„Мачо мажишта и огнени жени склони кон редовни паузи за ручек и забава која ги оневозможува да направат нешто друго – на пример, да работат.“
Што им одговараат Шпанците:
„Сликите од Шпанија кои висат по ѕидовите на Европејците главно се од летување. Но што се случува овде во остатокот од времето? Статистиката ни вели дека и ние го имаме денот понеделник.“
Извор: b92