Песна за скопските затвореници

Бучат села и градови
од народните душмани,
грмат полја и планини,
од партизански куршуми.

Ние млади зафрлени
зад скопските тешки врати,
мачени и тормозени
од народните душмани.

Чујте, планински соколи,
вие борци за општ спас,
в душите оган ни гори,
срцето не трга кај нас!

Но за очај нема место
ни во темни зандани
голем кураж, силна вера -
ќе победат партизани.

Најсветлните дни се ближат,
дни на славната победа,
тогај цел свет ќе загрми
братска песна за слобода!

Скопски затвор, крајот на 1941 г.
На сликата: Бригадата „Гоце Делчев“ во ослободено Скопје, 1944.