92ft² & 24’12’’ - изложба на Иван Ивановски во Њујорк

На 19 ноември во Галеријата MC во Њујорк ќе се отвори изложбата 92ft² & 24’12’’ на македонскиот уметник Иван Ивановски. Изложбата го истражува потенцијалот на анимираниот филм како медиум во контекст на современата уметност.

Преку медиумите на цртежот, филмот и видеото, Иван Ивановски прави проекција на себството ситуирано во актуелниот конкретен општествен и социјален момент. Ивановски постојано ги преиспитува егзистенцијалните состојби во конзумеризмот, капитализмот, нарушените вредности стравови, инхибиции.

Во изложбата се вклучени три филмови (Konzo, 5'59 '', Народниот фронт 12, 10'23 '', Внатре, 7'50 '') и уметнички дела кои се користени во процесот на нивно креирање, како и цртежи и слики од проектите во продукција.

Иван Ивановски е роден на 27 септември 1983 во Скопје. Дипломира вајарство на Факултетот за ликовни уметности во Скопје во 2008 година. Во 2013 го завршува Академскиот програм на ФАМУ во Прага. Досега се има претставено со седум индивидуални и дваесетина групни изложби со; слики скулптури, цртеж, видео и инсталација. Од 2007 почнува да работи филм и анимација, а неговите кратки анимирани филмови се претставени во рамките на различни регионални и интернационални филмски фестивали Во 2010 поставува скулптури „Луѓе-птици“ во Градскиот парк.