1015 hPa
68 %
18 °C
Скопје - Вто, 14.05.2024 11:31
Социјалдемократскиот сојуз на Македонија најави дека ќе поднесе „соодветна пријава“ против Стевчо Јакимовски. Смета дека градоначалникот на Општина Карпош го прекршил Изборниот законик (чл. 8), со тоа што поставил камен-темелник за нова градинка во населбата Бардовци.
На СДСМ, како на негова поранешна партија, би требало да ѝ е јасно тоа што им е јасно на граѓаните на Карпош: нема пријава што е доволно соодветна на штетите што ги прави и на манипулациите за кои е способен Стевчо. Со кршењето закони, дебитираше пред деценија и пол, токму кога беше министер од СДСМ. Тогаш пострашно и позагрижувачки од самиот противзаконски чин одекна неговото образложение: вчера да умрев, немаше да знам дека Македонија е демократска земја.
Пред четири години во манир на ситен калкулант и предавник ја напушти партијата – оттогаш дотогашните сопартијци ги вика предавници – на полноќ за да се кандидира за градоначалник и да формира партија ГРОМ. Оттогаш единствениот закон, всушност непишано правило, што доследно го почитува и го извршува по секоја цена е незаситната желбата на неговиот (нов) политички ментор и пастир Никола Груевски, лидерот на ВМРО-ДПМНЕ обвинет за тешки криминални дела, меѓу кои и за изборни измами. Не само што нему не му крши атер, туку целиот мандат го потроши работејќи за него и како него, трудејќи се да биде јаничар, поголем католик од папата, да го одбрани и да го задоволи на секој начин, на секое место и во секое време. Цената за таквиот негов ангажман ја платија граѓаните. Заштитен од ДПМНЕ, камен-темелникот на кој го гради новиот имиџ, Стевчо аздиса и почна да напаѓа во стил на друмски разбојник, па граѓаните мораа да се бранат дури и со ноќни стражи. Криминалот во градежништвото се подигна на квадрат, па некогаш најзелената општина преку ноќ стана најбетонирана. Како доказ дека таму каде што ќе удри ГРОМ, трева не никнува.
Извор: Слободен печат
Слика: Свирачиња