Тивка согласност

Двајцата ја гледаа големата карта на ѕидот.
Третиот гледаше низ прозорецот.
Потоа двајцата го преместија прозорецот
и го залепија врз картата.
Третиот остана во празниот прозорец.

Кога се свртија двајцата накај третиот
тој веќе беше станал карта обесена
високо на небото. Ветрот го вееше
и одвреме-навреме крцкаа неговите страни.

Тогаш се согласија тројцата без препир
за важноста на музиката и на метаморфозите.

Превод: Паскал Гилевски