1019 hPa
82 %
14 °C
Скопје - Пон, 13.05.2024 06:59
Уметниците Андреј Митевски, Александар Наумовски, Љубиша Камењаров и Ѓорѓе Јовановиќ деновиве ја завршија изработката на муралите кои ќе му дадат бои и живост на новиот скејт парк во Крива Паланка.
На муралите можат да се забележат скејтери, млади луѓе и нивниот спортски и слободарски дух, односот кон просторот и природата, а Јовановиќ својот мурал го посвети на Милица Стојанова, нашата позната актерка родена во Крива Паланка.
Новиот скејт-парк е дел од активностите за уредување на просторот кај градскиот стадион во Крива Паланка, каде на почетокот на годината општината соопшти дека ќе се уредува и атлетска патека по стандарди на Светската атлетска федерација и ќе има и мини-голф терен.
Проектот „Подобра спортска инфраструктура, подобро здравје за сите“, како што беше најавено, цели кон младите во општината, учениците, спортистите и рекреативнците и нивна поголема вклученост во спорт и спортско-рекреативни активности.
Извор: Радио МОФ