Придобивки и негативни страни на работата од дома

Прегледот на 1930 студии посветени на работата од дома откри големи предности, но исто така и негативни страни, како што се развивање на асоцијалност и занемарување во однос на унапредување на работното место.

Сепак, студијата покажува дека луѓето кои работат од дома повеќе се склони на конзумирање грицки, алкохол, цигари и покажуват склоност кон дебелеење. А работодавците кои веруваат дека луѓето што работат од дома се мрзливи, би требало да го преиспитаат својот став. Веројатноста тие да имаат прилика да земат одмор или боледување е помала, а имаат тенденција да работат подолго време и да работат навечер и за викенди.

Истражувањето, финансирано од Националниот институт за истражување и здравствена заштита, Истражувачката единица за здравствена заштита во итна подготвеност и одговор - партнерство помеѓу Агенцијата за здравствена безбедност на Обединетото Кралство, Кралскиот колеџ во Лондон и Универзитетот во Источна Англија - разгледа 1930 академски студии за работата од дома, работа на далечина и други типови на хибридна и работа од домот во обид да се дестилираат често контрадикторните истражувања.

Нил Гринберг, психијатар од Кралскиот колеџ во Лондон и еден од авторите на студијата, вели дека студијата покажала дека работниците и работодавачите треба да почнат да размислуваат за работата од дома со иста сериозност како и за канцелариската работа.

„Во минатите времиња на канцелариското работење, луѓето сфатија дека сместувањето на голем број луѓе во просторија без звучна изолација е непријатно и нема продуктивна работна сила”, вели тој.

„Сега кога преминавме на културата на работење од дома, има смисла организациите и владата да се погрижат луѓето кои работат дома да го прават тоа на што е можно поефективен начин”.

Истражувањето, објавено во Журналот за професионално здравје, идентификуваше три важни теми - работната средина дома, ефектот врз животот и кариерата на работниците и ефектот врз нивното здравје. Гринберг рече дека истражувањето покажало дека има победници и губитници во многу области на работата од дома. Работното опкружување зависеше од тоа колку простор има дома, од расположливата опрема и од тоа колкава контрола имаа работниците во текот на денот.

Студиите покажуваат дека луѓето со повисоки примања често повеќе уживаат да работат дома, но оние со повеќе обврски дома, како што се грижата за децата или домашните работи, честопати жените и оние што живеат сами, имаат тенденција да бидат повеќе под стрес.

„Генерално, луѓето се чувствуваат попродуктивни дома. Резултатите покажаа дека тој начин на работа е добар за креативни работи, но многу потешко беше да се справиме со досадните работи. Многу луѓе се загрижени за изгледите за кариера - она чувство дека ако не сте присутни во канцеларијата, ќе бидете занемарени”, вели Гринберг.

Ефектите врз здравјето беа појасни. Транзицијата кон работа од дома за време на Ковид беше поврзана „со зголемување на внесот на зеленчук, овошје, млечни производи, ужина и самостојно направени оброци. Помладите работници и жените имаа најголема корист во однос на конзумирањето поздрава исхрана”, се вели во студијата.

Една од прегледаните студии покажа дека 46,9% од вработените кои работат од дома ја зголемиле телесната тежина, а друга дека ја довеле оваа бројка на 41%. Повеќето од прегледаните трудови покажаа дека работниците кои работат од дома во главно седат.

„Менаџерите треба да размислат за изнаоѓање начини да ги поддржат своите домашни работници и да помогнат во создавањето на нивната работна средина. Во науката постои одлична изрека која вели дека во одреден момент треба да престанеме да се преоптеретуваме со проблемот и да почнеме да размислуваме за можните решенија.
Сега знаеме доста. Затоа, треба да се запрашаме „која е најдобрата обука за поединец кој делумно ќе премине на работа од дома? Она што е непотребно да се поставува како прашање е „дали би било корисно да обучиме некого за работа од дома? Се разбира дека одговорот на ова прашање е потврден”.

Од периодот на крајот на ограничувањата поради Ковид во 2022 година, некои компании инсистираа вработените да се вратат во канцеларија со полно работно време, при што компаниите како JP Morgan бараа од менаџерите да работат пет дена во неделата.

„Ако компаниите како JP Morgan се плашат дека луѓето дома ќе се олабават или нема да работат добро и тие нема можат да внимаваат на нив, тогаш мислам дека тоа е застарен концепт”, вели Гринберг.

„Одбивањето на опциите за работата од дома ќе значи дека талентираните вработени може да најдат други работни места, што ги прави компаниите помалку флексибилни во случај на идни кризи, како што се друга здравствена вонредна состојба, штрајкови или тешки временски услови кои ги спречуваат луѓето да стигнат до своите канцеларии”, додаде тој.

„Ако го прават тоа само од страв, тогаш ризикуваат да бидат занемарени. Погледнавме огромно количество докази од годините и она што го покажува нашиот преглед е дека постојат начини да се направи пристапот на работата од дома да функционира добро за организацијата, а исто така и за вработениот”- вели тој.

Слика: Ok Sotnykova

Извор: https://www.theguardian.com