Барок и класицизам - токму навреме

Во сево ова се вклопува и основањето на „Театарот Комедија“, кој Министерката за Култура го нарече „прифатлива критика“, а очигледно ќе премине во „официјална вечерна државна култура“. Се надевам дека ќе прочитам нечиј став во врска со ова - јас само пренесувам личен впечаток, ама некако не ми доаѓа да го теоретизирам :)

А бре доста веќе со Странецот рекол, Ниче рекол, Брехт рекол, Странскиот фактор рекол, дај малку кажете што вие мислите. Еднаш застанете позади своето мислење без "странска подршка". Тие ли ви ја прават државата и вашата околина? Они ли живеат во Македонија? Баш ме интересира кога ставате слика дома , си викате ли вака у себе, странецот рекол "Стави ја сликата на зид со шајче", оти може да падне и да ти ги повреди индивидуалните права на глава без џумка.
А за почит кон индивидуата во Европа после класицизмот, најдобро говорат Двете светски војни во Европа , фашизмот, концентрационите логори и едно 60 милиони збришани индивидуи. Да не зборам за трагедиите по колониите во Африка.

Победа на изборите значи освојување на власта, а не посед на целата држава. Ова горчливо чувство расте како квасец откако Владата остана без никаква контрола. Или, попрецизно кажано, откако се под строга контрола сите институции на системот кои, всушност, постојат за тоа да ја ограничат злоупотребата на власта. Како што расте апсолутизмот така е повидлива ароганцијата на властодршците и новите кабадахии. Стагнацијата и загрозата на и онака кревката македонска демократија е се' помалку значајна тема пред налетот на сиромаштијата, бедата, безработицата и стравот.

Е, па почитувани, кога монструмите се во ембрионална фаза, кога се малечки и ништожни, тогаш најлесно се уништуваат. Тоа нашиот народ го вика веднаш треба да се пресече од корен. Ако нарасне чудовиштето, никој не може да го сопре. Кога поминуваме молкум за прислушување неподобни учители, како можеме да очекуваме некој да се бори против монструмот во македонскиот парламент каде што само арогантното надгласување е главниот атрибут на фаличната македонска демократија. Какво независно судство можеме да очекуваме каде што без срам и перде по судските процеси судиите се унапредуваат според партиски заслуги. Има ли потажна илустрација дека власта си ја присвоила државата како сопствен посед кога го омаловажува јавно Уставниот суд на државата и уставните судии кои се најзначајната брана за заштита на правниот поредок. Одлуките на уставните судии кои се исклучиви за тоа дали нешто е во согласност со Уставот или не, грубо партиски се оркестрирани во јавноста како арбитрирање на судиите во политичката пресметка меѓу партиите. Неуставните закони се преточуваат со трикови во нови форми за непречено злоупотребување на власта. Страв и ужас на патот до правна држава.

Медиумите наши насушни долго чмаат во финансиска, професионална и морална криза земајќи од Владата по три кафени лажици лек секој ден за да преживеат. Како тешко болни постојано ја зголемуваат дозата. Власта не сака да им каже на граѓаните колку нивни пари троши кај медиумските зависници за владини кампањи. Молчат како да се работи за пари наследени од нивните родители, или лично заработени милионски износи со тешка работа. Универзитетските и академските средини некогаш осамени оази на демократијата од поодамна се покриени со песок и се вклопени во пустинскиот амбиент во совршена мимикрија која можат да ја постигнат само камелеоните. Се пројавува само по некој Дон Кихот доживеан повеќе како оптичка измама отколку како тажна реалност.
Ерол Ризаов, Кој ја рекетира Македонија („Утрински весник“, 30.03.12.)

Средбата на политичкиот опортунизам на Европската унија со византиската културна основа на Македонецот не произведува разум, работливост и просперитет, туку обезбедува надворешна легитимација, карантенски појас на теренот во кој до монструозни граници се шири елементарната ненормалност, лудоста на еден режим. Филе, се разбира, знае дека тој што е во состојба да ја демолира самата идеја за демократијата и за правната држава, како и да направи ваков масакар во центарот на еден главен град, е фашистички инхибиран лудак, но неговиот практичен ум му помага да го игнорира тој факт за сметка на фактот дека лудакот има материјална и идејна контрола над ситуацијата. Јас ги разбирам можните благородни мотиви во политиката на Европската унија, но практичниот ефект тука е само зголемување на дозата на лагата во која живее овој народ и која го води кон бездната. Ние сме за скрининг, но малку поинаков од тој што ќе биде воден. Истиот ден кога Филе беше во Скопје неговиот домаќин го реформираше правосудниот систем со нов контингент на политичко-партиски марионети и подели неколку нови шлаканици врз лицето на медиумскиот простор. Сакам да кажам дека Европската унија помага европската зграда на Македонија да се ѕида како кула од карти, како барокна фасада на селска плевна или како црковна фасада на најдолен куплерај. Македонија, драг мој господине Филе, треба да ја третирате како земја што е тешко погодена од цунамито на неразумот, а не како земја со која ќе симулирате преговори за да ја успокоите. Нам не ни треба успокојување туку ни треба продуктивно вознемирување. Сè што треба да направите е да го спуштите дипломатскиот гард и да ѝ ја соопштите на Европа вистината за тоа што се случува во ебаната Фукушима на Југозападниот Балкан.
Бранко Тричковски, Марш на евнусите во харемот на султанот („Окно“, 21,03.12.)

Абе миглен, тебе шефот од кадрово, усно ти даде работна задача да пишуваш коментари овде или имаш нешто на писмено? Прашуем чисто од љубопитност, ама и да ти дадам совет, ако немаш одлука потпишана од „шефот“ нема да ти платат за прекувремена работа таму у агенција за вистинска вистина, кај шо работиш.

"А бре доста веќе со Странецот рекол, Ниче рекол, Брехт рекол, Странскиот фактор рекол, дај малку кажете што вие мислите. Еднаш застанете позади своето мислење без "странска подршка"."

Чисто ради тоа да се покаже дека за ставовите и идеите изнесени тука има некој општ консензус на цивилизациско ниво и дека не се внатрешно - идеолошки паранои кои функционираат само дома.

Совршено ми е разбирлива оваа нервоза кон општите референтни системи од страна на индоктринираните. Се јавува некој вид на колективен солипцизам во кој нацијата и идеологијата на партијата се алфа и омега за универзалните вистини. Сето останато станува ирелевантно и релативно, а цивилизацијата како воопшто да не постои во својата современа форма.

Фала богу што никој нема да ви дозволи на вас, комуњари, да не` цивилизирате.

Зомби, не ги викаат кадрово више. Сега се "HR" Human Resources. "Странецот" им посочил на глобалните цивилизаторските референтни системи , спомнати погоре од Психогерила . Системите де, истите тие за кои и Сорос филантропира. Системите кои се обидуваат да го обединат светот под паролата " Капиталисти од сите земји обединете се". Што е најсмешно нашите "пролетери" , затоа што не можат да го препознаат процесот, а им личи на претходната парола која си ја имаа мислат дека ги обединуваат граѓаните од сите земји. Се отепаа референцирајки го Жижек, а тој уште што не им нацртал што се случува, и пак ништо.

Не ни ги посочи странецот нас тие референтни системи. Тие постојат и без странецот. А ги знаевме уште долго пред груевизмот. Само сакаме на вас индоктринираните да ви укажеме дека не зборуваме напамет, дека не се потпираме врз некоја идеологија која може да егзистира исклучиво сама во себе. Фактот што слични идеи се јавуваат кај различни луѓе од различни културни среднини и периоди воопшто не значи дека има некој централен промотер на истите.
Во светот веќе постои основано сомневање во капитализмот, во концептите за нации и држави, во вистинските цели на организираната религија и така натаму. Светот се менува побрзо од било кога, информациите се брзо достапни и деспотот го губи својот монопол врз креаирањето на мислењата. Да не беше интернетов ќе чмаевме како пред 50 години и ќе ги воспевавме славите на пастирот. Немаше да цитираме никого, бидејќи деспотот ќе одредуваше што може да влезе, а што не.
Така што вашиот патолошки етатизам и пискање за поголема почит кон власта, партијата и државата не е ништо поразлично од пискањето на комуњарите.
Вие антикомуњарите во преродбата всушност откривте дека олигархискиот колективизам и не ви пречел толку. Само не ви се допаѓала иконографијата.

Видиш, до тука се сложуваме. А сега 64000 долари прашање.
Што е разликаta меѓу авториетите Тито, Црвенковски, Груевски и "Странецот".

Тезата на Мигрена дека „сите се исти“ (најриширената народна мудрост во ориенталниов дел од светот, кајшто нема поединци и идеја за слобода) служи само како самооправдување (самосожалување) за пасивната толпа за која сеирот е единствен прифатлив светоглед. А тој тип на мигренски умртвувања на енергиите на нацијата, се разбира, ги продуцираат владетелите, кои народот го држат во слепило и мизерија. Кој и да се побуни, веднаш дотрчува Мигрена (Латас, Јадибурек, Миленко, Мирка итн.) и више-мање го вергла истото: „па, можно е во моментов малку да сме забегани, ние владетелите, но ви гарантирираме дека и тие минатите беа исти (а ние тоа добро го знаеме, оти бевме и со нив!), а и следните кога ќе дојдат (еден убав ама далечен ден од сеа) ќе бидат исти, зашто на ориентот само тоа е константа: мртвилото, пустината“. Тоа е Мигрена, симболот-коментатор на мртвилото на преродбата. „Кој и да збори, што и да збори, каков и да е - не му верувајте! Оти постои само владетелот! Само вечниот презент!“
Значи, во исплашени, поданички општества, во кои од најраните денови, и низ семејството и низ образованието и низ целиот систем, се обесхрабрувале индивидуализмот и слободата, релативно лесно е народот да го држиш на сиџимче. Секој што се издвојува е сомнителен. Пред се’ како западен шпиун (туѓинец, нешто што не припаѓа во нашиот свет) или ентузијаст по власт (што значи ист ко сегашниве тирани). Тоа е маѓепсан круг, од една револуција до друга, од тиранија до тиранија.

И прво да разјасниме, цитирање на автори(странски замисли!!!) и бранење на нивните идеи и ставови е сосем различно од бранењето на машинеријата на власт. Бидејќи авторот може само да укаже, ама авторитарната машинерија може да спроведе без да се повика на ниту една универзална вредност. Не гледаш тука некоја разлика? Треба да опишам на друг начин?
И после нели следува:
"А бре доста веќе со Странецот рекол, Ниче рекол, Брехт рекол, Странскиот фактор рекол, дај малку кажете што вие мислите."

Така се осеќаш бидејќи внатрешата-реакционерна филозофија може да егзистира единствено сама во себе. Ако се постави во цивилизациски и општ историски контекст, губи. Се растура. Затоа мора после мигрени да интервенираат и да го воспостават нормалниот реакционерно емотивен тон на преродбата.

Би ти го цитирал Орвел сега, ама нема. Да не помислиш дека би сакал Орвел да стане премиер.

Изгледа дека стварно се вртиме во круг. Мојата теза не е дека сите владетели се исти туку дека се работи за едни те исти полтрони , кои само си ги ротираат авторитетите. За мене не постои никаква разлика мегу она што го викате Груевист и оние кој се повикуваат на странецот во секоја можна прилика. И во двата случаи поданичкиот менталитет на Психохроничен се манифестира со повикување на повисок авторитет, за чиј суд не смее да се полемизира.

Повикување на туѓи искуства и решенија во слични ситуации е пожелно и корисно и единствен начин да се избегнат залудното трошење на енергија и време. Меѓутоа намерно извртување на реалноста за да личи на ситуацијата за која тој авторитетот теоритеризирал, со цел да ја искористите за своја пропаганда е во најмала рака нечесно и тендециозно.

Ви ги дефинирав странците како Албанци, Бугари, Грци и Срби за да ве наведам да не си ја замислувате земјата на "странецот" како некоја замислена идеална земја кон која тежнеете , туку земја со сите карактеристики на околината која не опкружува.

Таа ваша замислена идеална земја на "странецот" не постои. Никогаш не постоела, нити ќе постои. Ниеден од тие "рече" авторитети не живеел во земја која може да ни биде модел , не барем во делот на слободата на која се повикувате.

А она со навредите само е манифестација на поданичкиот менталитет на луѓето кои ги раздаваат вака великодушно, или преведено, "ти преродбенику ништо не разбираш не знаеш да ги читаш упатствата на западот, само јас можам и смеам да ги толкувам упатствата. Мене ми ги дадоа да ги пренесам на овој неук и неписмен народ."
Едно прашање за Психохроничен, колку луге на запад (или исток сеедно) тебе те цитирале тебе како авторитет. Или не ти даваат да си играш со големите. Улогата на Сороски кмет и преведувач на упатства ти е највисокиот интелектуален дострел.

Дека се борам за фамилијата, се борам. Само не за таа што ти ја опишуваш. Се борам за мојата фамилија. Секогаш сум се борел. Од борци за слобода ми е преку глава, а уште повеќе ми се смачува кога некој ке ми каже дека се жртвува за мој бенефит. Нема потреба да се жртвуваш за мене. Доволно е да се жртвуваш за својата фамилија. Е сега ако треба да се објаснуваме, некои луѓе се спремни да направат се, за да можат да се спасат себеси и својата фамилија. И затоа за да не дојде до анархија, создаваме Устав кој е најмал заеднички содржател на нашите фамилијарни интереси. Е видиш во тој Устав, дива свињо, ( ова за мигрена, колку да се изедначиме), не пишува никаде дека сите сакаме да влеземе во ЕУ и Нато, мегутоа јасно и гласно пишува како се вика оваа држава, и како се вика овој народ. Односно пишува дека по секоја цена ке го браниме интегритетот и територијата на Македонија. Нигде не видов дека пишува дека по секоја цена сакаме да влеземе во ЕУ. Според тоа да ме навредуваш дека сум глуп затоа што ми е преку глава од самопрогласени борци за слобода, е исто како крадец да ми вика дека сум глуп затоа што не крадам. Сум ти рекол и порано, се чувствуваш како во затвор затоа што немаш никаков законска подршка за она што сакаш да го постигнеш. Кога би имал, место "странецот рече" би можел да напишеш "законот пропишува" или "Уставот налага", и така да разговараме за менување или проширување на нашиот најмал заеднички содржател. Вака можеш само да ме опцуеш и во својот замислен свет да ме ставиш во фиоката со платениците на системот.
За улогата на интелектуалците во денешниот свет прочитај го уште еднаш мислењето на Тони Џад, постиран на овој сајт за интелектуалците и демократијата. Влези во 21 век, излезете веке еднаш од светот на компарации со Фашизмот и Советскиот Сојуз.

"Веројатно ќе се најдеме, како интелектуалци или политички филозофи, во ситуација каде што нашата главна задача нема да биде да размислувавме за подобар свет, туку да размислиме како да ја спречиме појавата на полош свет. А тоа е малку поинаква положба, при што интелектуалците кои се занимаваат со идеализирани визии, можеби нема да треба да ги сфаќаме премногу сериозно."

"Сево ова е тешко за интелектуалците, од кои поголем број себеси се сметаат за бранители и промотори на големи идеи. Но, јас мислам дека вистинскиот начин за одбрана и промовирање на големи идеи за наредните генерации ќе биде одбрана и заштита на иституциите, законите, правилата и праксите кои претставуваат наше најголемо достигнување во борбата за тие големи идеи. А интелектуалците кои се грижат за тие работи ќе бидат најскапоцените луѓе."

Окнаши само сакаат да бидат интелектуалци кога ќе пораснат.

Олеле Меглено, ти најде да зборуваш да влеземе во 21 век. Мислам дека баш заради груевизмот и ни шкрипи со фаќањето на текот на времето.
Ако не примети последниве години се во знакот на паѓање на многу авторитарни режими. Едноставно не се во мода. Иако има обиди да се воспостави контрола врз повеќе сфери од живеењето, а особено врз достапноста на информациите (СОПА, ПИПА, АКТА) сепак расположението на глобално ниво е дека такво нешто нема да помине без масовен отпор. Неспорно е дека естамблишментот посакува сите да беа меглени и да си легнеа на брашно. Да веруваа во се што тие кажуваат, без да промислат рационално какви последици би имало сето тоа. Среќа нема таква идеологија која ќе не умртви на глобално ниво, но за жал има таква која не ебава на локално ниво.
И сега не е во ред да не советуваш за 21-век, а истовремено да подржуваш авторитарен лидер, најблаго кажано. Во таквиот систем лидерот не е тука за тебе, ти си тука за него. Едно обично емотивно зависно штрафче во машинеријата за нивелација на општеството.
Ја сфаќаш сега твојата позиција Меглена? Онака глобално гледано.

Психогерила, нејасно е што е она што тебе (или вас, како сакате) ви фали. Што е тоа што ви фали да можете да кажете дека живеете во "слобода". Кој е тој закон или закони што би требало да се додадат на постојните за да и ти си мислиш дека живееш слободно. Јас авторитатен лидер не подржувам повеке, отколку било кој Французин, Американец или било кој нормален граѓанин на било која западна земја. Рејтингот на Обама во Америка моментално е 51% за , и 45% проценти на неодобрување.
45% од населението мисли дека не работи како што треба, мегутоа на никого не му ни паднало на памет дека живее во фашистички режим. Мора да постои нешто што тебе би те направило среќен да живееш во оваа земја. Ако мислиш дека живееш тука по казна, тогаш стварно и јас не знам што би ти помогнало, освен да пробаш да си ја најдеш среќата на друго место. Немој сега да ми одговараш дека "ние" тоа сакаме, затоа што тоа стварно не ми е намерата. Тие од фашизмот и Русија бараа демократија, која ние каква таква ја имаме сега. Каков систем ти у ствари бараш ?

Па нејасно ти е, приметувам. Ти не го воспримеаш тој концепт на слобода. Затоа го буташ у наводници.

"Кој е тој закон или закони што би требало да се додадат на постојните за да и ти си мислиш дека живееш слободно."

Ете одма тргаш погрешно. Зошто не прашаш кој е тој закон што треба да се укине? И како после да ти ја опишам слободата?

Каква врска рејтингот на Обама со било што? И прашај ги Occupy Walлstreet што мислат за системот. И тие ли се предавници?

Од каде ти е идејата дека не сум среќен овде? Или дека мислам дека живам под казна??? Тоа е некое твое нагаѓање. Ако се поставам против власта, значи дека сум против државата, нацијата и така натаму. Се ти е рамно и исто тебе. Изнивелирано.

Каков систем барам? Незнам дали воопшто да се впуштам во објаснување. Не дека нема да ме разбереш, ама ако твојот концепт на слобода подразбира да налегнеш под ваљакот на авторитетот и да се гордееш со тоа, тогаш џабе ти кажувам. Вртење во круг како што сам кажа.

My all time favourite
 
ГНИДИ СОРОСОИДНИ :D

Ете јас сум либертаријанец, грубо кажано. Сум за минимизирање на улогата на власта во дефинирањето на животот граѓаните и во регулирањето на нивните односи. Основен градивен елемент на општеството да биде иднивидуата, а не централно диригираниот колектив.
Постоечкиов систем е спротивна крајност, или се обидува да ја достигне крајноста. Воспоставува монопол врз дефинирањето на патриотизмот. Ја потиснува индивидуалноста и ја нагласува колективната послушност. Еве на пример, тебе ти е догматска идејата дека сите ние овде што ти контрираме сме некој колектив, само организиран од различен центар од твојот. Дека чекаме партиска дозвола и амин за да се искажеме. Тоа е во најмала рака, навредливо за мене. И за македонскиот народ општо. Го сведува на послушничка овца.
Што да смениме? За почеток власта која сака да згазне врз секој аспект од нашиот живот, вклучувајќи ги и личните ставови. Да ги изрегулира и да ги врами во облик кој ќе стане многу полесен за контрола.
Незнам дали да терам понатака, со оглед на тоа што си убеден дека слободата се постигнува со додавање на нови закони и регулации :)))

Аман бе, комуњари, доста само критикувате, предложете како да се смени состојбата. Или само сакате вие да бидете “феудалната елита“?