Земја на алчност и поебана младост моли за радост

Ебано време
лага вистина демне
народот нем е

***
Простаклук и кич
изгубени души во
жабокречина

***
Бескрупулозност
нечесност и бесрамност
катаден гледам

***
Народ без компас
изгубен во пустина
фатаморгана

***
Земја на алчност
и поебана младост
моли за радост

***
Невина душа
гние во зандана од
тој ебан систем

***
Ужас и скомраз
крвници на слобода
јадници во апс

***
Корумпиран суд
еби го, тури му кур
оди во Стразбур

***
Во светот поган
слугите на ѓаволот
се господари

***
На судниот ден
судии ќе се судат
без приговори

***
Милионски град
а во него граѓани
нема ни за лек

***
Градот е мртов
од опинци е згазен
немилосрдно

***
Сонце пролетно
цветови цутат во парк
а јас 'рмбачам

***
Улици празни
конечно дојде празник
Скопје вкуси мир

***
Едниот пајак
застана на зебрата
и крена буба

***
Во пет наутро
и со првите петли
стихот ми дојде

***
На прозор врапче
и под прозор гугутка
а дома без леб

***
Глутница волци
демнат стадо овци
сè е статус кво

***
Осамен старец
во тоа село пусто
се дружи со пци

***
Шашмосан феникс
исчашен се препелка
без да се дигне

Слики: Pedro MS