Паметна термална обетка

Истражувачите од Универзитетот во Вашингтон ја осмислија термалната обетка, безжична технологија за носење со големина и тежина на мала штипка која може да ја следи температурата на телото на корисникот, знаците на стрес, вежбање, начин на исхрана и овулација како паметен часовник. Паметната термална обетка веќе има свој прототип, инсталиран со батерија со траење од 28 дена.

Уредот за носење содржи два дела: температурен сензор со магнетна штипка што се прицврстува на увото на корисникот и друг сензор што виси под увото кој ја детектира и проценува собната температура. Со овие два сензори кои работат заедно, паметната термална обетка може да ги анализира и детектира внатрешните и надворешните температури на корисникот. Покрај практичната вредност која ја има, обетката изгледа интересно и како моден додаток.

Истражувачите од Универзитетот во Вашингтон кои ја создадоа паметната термална обетка се Кијуи Ширли Ксју, Јуџиа Ли, Џозеф Бреда, Мустафа Спрингстон, Викрам Ијер и Шветак Пател. Тие веќе спроведоа студија со нивниот прототип, барајќи од шест корисници да го носат уредот.

Нивните наоди резултираат со она што тие го опишуваат како надминување на паметниот часовник во однос на чувствителноста на температурата на кожата за време на периоди на одмор. За време на овој експеримент тие го документираа потенцијалот на термалната обетка да ги следи знаците на стрес, храна, вежбање, па дури и овулација со оглед на резултатите што ги добија од тестовите. Истражувачите неодамна ги објавија своите резултати во Зборникот на ACM за интерактивни, мобилни, погодни и сеприсутни технологии за носење.

Прецизно измерена температура детектирана преку ушната школка

Изборот на дизајнот на уредот во вид на обетки со сензори е свесен избор. „Откривме дека чувствувањето на температурата на кожата на лобусот, во однос на она на раката или зглобот, е многу попрецизно. Исто така, тоа ни даде можност еден дел од сензорот да биде висечки за да ја одвоиме собната температурата од температурата на кожата”, вели Ширли Ксју еден од аворите.

Паметните часовници може да бидат гломазни, а термалната обетка може да биде во предност во однос на преносливоста. Истражувачите, исто така, го прифатија предизвикот да ја најдат соодветната големина на уредот која би била практична во однос на преносливоста, но и за полнење на батериите.

Прилично е комплицирано да се постигне таква рамнотежа. Вообичаено, ако сакате напојувањето да трае подолго, треба да имате поголема батерија. Но, тогаш ја жртвувате големината. За да може уредот да се направи безжичен исто така бара повеќе енергија”, вели авторката Јуџија (Ненси) Ли.

На крајот, истражувачите успеаја да ја одржат потрошувачката на енергија на термалната обетка што е можно поефикасна, истовремено правејќи простор за Bluetooth чип, батерија, два температурни сензори и антена.

Тие го направија тоа со користење на Bluetooth режимот за рекламирање, наместо да направат обетката да има вграден уред кој би користел повеќе енергија. На овој начин, термалната обетка ја чита температурата, ги пренесува податоците со помош на Bluetooth и оди во „длабок сон” штом ќе заврши заштедата на енергија.

Мерењето на температурата преку ушната школка им нуди на истражувачите поглед на нови начини на употреба на уредот, вклучувајќи успешно откривање на температурни варијации поврзани со јадење, вежбање и доживување стрес.

Со овие резултати, на истражувачите им се отвора можност да осмислат обетка за следење на здравјето која може да ги открие промените во температурата на телото внатре, наместо само надвор како што тоа го прават паметните часовници.

Термалната обетка користи соларна или кинетичка енергија?

Што се однесува до објавувањето на приказната, истражувачите велат дека термалната обетка можеби нема да биде комерцијално достапна во блиска иднина. Одејќи напред, тие истражуваат и ги испробуваат своите модели со цел да спроведат потемелно тестирање и да соберат повеќе солидни податоци пред технологијата за носење да излезе во јавноста.

Ширли Ксју планира да ги интегрира срцевиот ритам и следењето на активноста за идните верзии на термалната обетка, а други функции може да вклучуваат и напојување на уредот со помош на соларна енергија или кинетичка енергија извлечена од обетката која се ниша додека корисникот се движи.

Обетката може да се персонализира со модни дизајни изработени од смола или со скапоцен камен без тоа негативно да влијае на нејзината прецизност.

Извор:https://www.designboom.com