1017 hPa
77 %
16 °C
Скопје - Сре, 15.05.2024 13:55
Ѕвезда на Давид
околу врат си ставам
корпоративно утро
Тргнав да мочам
ме извади од памет
сушач за раце
Зрцало вели:
да се бричам или не?
-утрински Хамлет.
Мамурно утро
ме брза на работа,
а сакам чорба.
Комшија тиквар
на Велика Сабота
мајстори викнал.
Висока шахта
чека кој е следниот
нога да скрши
Сум станал факир
врз играчки на син ми
во постелата
В раце ја имам
ламбата на Аладин.
Што да ѝ правам?
Со букет кали
пешак сум на црвено
-сељак џентлмен.
Комшиско маче
низ ноќта мјаука
прв ден без мајка.
Дремлива мачка
качена на хауба
си топли душа.
Бело ќебенце
слизнато врз гепекот
-се топи снегот
Гласна крнтија
сред ноќ мирот го пара
-сељак во градот.
На секој балкон
по пар-два мокри чевли
-есенско Скопје.
Со тенко весло
сам со себе се тркам
в тенџере ајвар.
Кола од друг град
на покрив поздрав носи
- две-три педи снег.
Зачкрипи гуртна.
Сум легнал без аларм, ме
разбуди „петка“.
В планина тивка
котва за навек стои
-гробот на тато.
Преполна банка.
Секој чека да плати
данок на живот.
Низ прозорец зрак
буди свежи бои, рој
-вреди да станеш.
Симнувам јарем
од мудра глава. Збогум
корпорацијо!
Песните се преземени од книгата „Корпоративно утро“, Скопје 2013.
Фотографии: Васко Марковски